MCA Women Cricket: झोरास्ट्रियन संघाचा ऐतिहासिक विजय! सांगलीवर १३६ धावांनी दणदणीत मात, पहिल्यांदाच जेतेपदावर कब्जा

पुणे : महाराष्ट्र क्रिकेट संघटना (एमसीए) आयोजित वरिष्ठ महिला गट ‘एमसीए’ निमंत्रित एकदिवसीय क्रिकेट स्पर्धेचे विजेतेपद झोरास्ट्रियन संघाने प्रथमच पटकाविले. गहुंज्यातील एमसीए मैदानावर गुरूवारी झालेल्या या अंतिम लढतीत संचिता सापटे व कर्णधार ईशा पठारेच्या अचूक गोलंदाजीच्या जोरावर झोरास्ट्रियन संघाने सांगलीवर १३६ धावांनी विजय मिळविला.