Syed Mushtaq Ali T20 Trophy 2024 Tournament: सय्यद मुश्‍ताक अली टी-२० करंडकाला आजपासून (ता. २३) सुरुवात होणार आहे. भारतातील युवा ते अनुभवी सर्वच स्तरावरील क्रिकेटपटूंना आयपीएल लिलावाआधी आपला खेळ दाखवण्याची सुवर्णसंधी असणार आहे.
याप्रसंगी श्रेयस अय्यर, युझवेंद्र चहल, शाहरूख खान, कृणाल पंड्या या खेळाडूंच्या कामगिरीकडे सलामीच्या लढतीत संघ मालकांच्या नजरा असतील.
बीसीसीआयकडून देशातील सर्व खेळाडूंना स्थानिक क्रिकेट स्पर्धांमध्ये खेळणे अनिवार्य करण्यात आले आहे. जे खेळाडू स्थानिक स्पर्धांकडे दुर्लक्ष करतील, त्या खेळाडूंना करारश्रेणीतून वगळण्यात येईल, असा संकेत देण्यात आला आहे.