उदयपूर हत्याकांडावर इरफानला बोलणं पडलं महागात; नेटकऱ्यांचा संताप

राजस्थानातील उदयपूरमध्ये घडलेल्या घटनेचे देशभर पडसाद उमटल्याचे दिसून आले आहे. कन्हैयालालची निर्घृण हत्या करण्यात आली आहे. त्यानंतर वेगवेगळ्या स्तरातून त्यावर प्रतिक्रिया आल्या आहे. या प्रकरणाचा खेळातील अनेक दिग्गजांनी निषेध केला आहे. यामध्ये टीम इंडियाचा माजी क्रिकेटपटू इरफान पठाणने पण या घटनेचा निषेध केला आहे.(Irfan Pathan Reaction to Udaipur Murder Case)

इरफान पठाणने कन्हैया लाल हत्याकांडप्रकरणी ट्विट करत याला लज्जास्पद घटना म्हटले आहे. नुपूर शर्माच्या समर्थनार्थ एका पोस्टसाठी धर्मांधांनी कन्हैयालालची हत्या केली. या घटनेनंतर उदयपूर पोलिसांनीही नाकाबंदी केली आहे. इरफान पठाणने ट्विटमध्ये लिहिले की, तुम्ही कोणत्या धर्मावर विश्वास ठेवता. एखाद्या निष्पाप जीवाला त्रास देणे म्हणजे संपूर्ण मानवतेला त्रास देण्यासारखे आहे. इरफानने या ट्विटमध्ये कोणत्याही धर्माचे नाव घेतलेले नाही आणि त्यामुळे चाहते त्याच्यावर नाराज झाले आहेत.

राजस्थानच्या उदयपूरमध्ये भरदिवसा एका तरुणाची निर्घृण हत्या करण्यात आली. या घटनेनंतर संपूर्ण राज्यात कलम 144 लागू करण्यात आले आहे. अनेक ठिकाणी तर इंटरनेट बंद करण्यात आले आहे. तरुणाची निर्घृण हत्या करणाऱ्या दोन्ही आरोपींना अटक करण्यात आली आहे.

कन्हैयालालच्या आठ वर्षांच्या मुलाने मोबाईलवरून नुपूर शर्माच्या समर्थनार्थ सोशल मीडियावर पोस्ट केल्याचे सांगितले जात आहे. यानंतर काही लोक संतप्त झाले आणि तीन आरोपींनी त्याच्याच दुकानात घुसून तरुणाची निर्घृण हत्या केली.