Australian Open: मेदवेदेवने त्सित्सिपसचा कडावा प्रतिकार मोडून काढत गाठली फायनल

ऑस्ट्रेलियन ओपनच्या दुसऱ्या सेमी फायनलमध्ये डॅनिल मेदवेदेवने (Daniil Medvedev) स्टीफानोस त्सित्सिपसचा (Stefanos Tsitsipas) पराभव करत फायनलमध्ये प्रवेश केला. मेदवेदेवन स्टीफानोस त्सित्सिपसचा ७-६(७-५), ४-६, ६-४, ६-१ अशा सेटमध्ये पराभव केला. आता डॅनिल मेदवेदेव २० ग्रँडस्लॅम जिंकणाऱ्या राफेल नदालबरोबर (Rafael Nadal) ३० तारखेला ऑस्ट्रेलियन ओपनच्या टायलसाठी भिडणार आहे. (Daniil Medvedev reached in Australian Open defeat Stefanos Tsitsipas in semi final)

आजच्या सामन्यात मेदवेदेव (Daniil Medvedev) आणि स्टीफानोस यांनी पहिल्या सेटमध्ये झुंजार खेळ केला. पहिलाच सेट टाय ब्रेकरवर गेला. मात्र अखेरच्या क्षणी मेदवेदेवने आपला खेळ उंचावत पहिला सेट ७-६(७-५) असा जिंकला. मात्र त्यानंतर स्टीफानोसने जोरदार कमबॅक करत दुसरा सेट ४-६ असा आरामात जिंकला.

दोघांनीही एक एक सेट जिंकल्यानंतर तिसऱ्या सेटमध्ये मेदवेदेवने पुन्हा बाजी पलटवली. तिसऱ्या सेटमध्ये त्याने त्सित्सिपसला ६-४ असे नमवले. त्यानंतर चौथ्या सेटमध्ये मेदवेदेवन स्टीफानोसला (Stefanos Tsitsipas) पुनरागमनाची संधीच दिली नाही. त्याने चौथा सेट ६-१ अशा मोठ्या फरकाने जिंकत फायनलचे तिकिट निश्चित केले.