'तो आता निष्काळजी मुलगा राहिला नाही' असं कार्तिक कोणाला म्हणाला?

दक्षिण आफ्रिका दौऱ्यावर (India vs South Africa) भारताच्या मधळ्या फळीला फारशी चमकदार कामगिरी करता आली नाही. त्यामुळे भारताला तीन सामन्यांची एकदिवसीय मालिका ३ - ० अशी गमवावी लागली. दरम्यान, भारताचा माजी विकेटकिपर बॅट्समन दिनेश कार्तिकने (Dinesh Karthik) रविंद्र जडेजासारख्या (Ravindra Jadeja) खेळाडूची कमतरता आपल्याला दक्षिण आफ्रिका दौऱ्यावर जाणवली असे मत मांडले. (Dinesh Karthik says Ravindra Jadeja Not That Reckless Kid Anymore)

दिनेश कार्तिक रविंद्र जडेजाबद्दल (Ravindra Jadeja) बोलता म्हणाला की, जडेजा आपल्या कारकिर्दिच्या सुरूवातीच्या दिवसांमध्ये एक निष्काळजी मुलगा होता. आता तो तसा राहिलेला नाही. तो आता हुशारीने फलंदाजी (Intelligent Batting) करतो. विशेष करून मर्यादित षटकांच्या क्रिकेटमध्ये (White Ball Cricket) तो भारतासाठी ६ व्या किंवा ५ व्या क्रमांकावर देखील फलंदाजी करू शकतो.

कार्तिक जडेजाबद्दल म्हणाला की, 'जडेजा आता सहाव्या क्रमांकावर फलंदाजी करण्यासाठी सज्ज आहे. तो चांगली फलंदाजी करत आहे तो पाचव्या क्रमांकावर देखील फलंदाजी करू शकतो. तो आता त्याची बुद्धी वापरत आहे. तो आता एक निष्काळजी मुलगा राहिलेला नाही. तो आता आपल्या फलंदाजीने संघाला विजय मिळवून देऊ शकतो. मयार्दित क्रिकेटमध्ये (ODI Cricket) त्याची फलंदाजी ही त्याची जमेची बाजू आहे.'

रविंद्र जडेजा सध्या दुखापतीमुळे (Ravindra Jadeja Injury) आंतरराष्ट्रीय क्रिकेटपासून दूर आहे. त्याच्या उजव्या हाताला न्यूझीलंड विरूद्धच्या पहिल्या कसोटीदरम्यान दुखापत झाली होती. भारताने दक्षिण आफ्रिका दौऱ्यावर कसोटी पाठोपाठ एकदिवसीय सामन्यांची मालिका देखील गमावली. आता भारतीय संघ मायदेशात वेस्ट इंडीज विरूद्धच्या मर्यादित षटकांच्या मालिकेत जोरदार पुनरागमन करण्याच्या तयारीत आहे.