UEFA Champions League : UEFA ग्रुप स्टेजचं वेळापत्रक जाहीर, वाचा कोण कोणाबरोबर भिडणार? | Sakal
sakal

बोलून बातमी शोधा

football uefa champions league

UEFA Champions League : UEFA ग्रुप स्टेजचं वेळापत्रक जाहीर, वाचा कोण कोणाबरोबर भिडणार?

UEFA Champions League : UEFA ग्रुप स्टेजच वेळापत्रक इस्तंबुल येथे जाहीर झालं आहे. UEFA Champions League ची ग्रुप स्टेज A, B, C, D, E, F, G अशा आठ ग्रुपमध्ये होणार आहे. प्रत्येक ग्रुपमध्ये 4 संघांचा समावेश आहे. (UEFA Champions League Group Stage Draw)

गतवर्षीच्या फायनलमध्ये लिव्हरपूलला १-० ने पराभूत केल्यानंतर रियल माद्रिद युरोपातील एलिट क्लबवर वर्चस्व गाजवण्यास उत्सुक आहे. रशिया युक्रेनमध्ये सुरू असलेल्या युद्धामुळे रशियन क्लबवर बंदी घालण्यात आली आहे. परंतु युक्रेनने घरगुती हंगामा सुरू केले आहे.

बायरेन म्युनिच आणि बार्सिलोना एकाच गटात आहेत. मँचेस्टर सिटी आणि बॉरूसा डॉर्टमंड हे देखील एकाच गटात आहेत. त्यामुळे अर्लिंग आपला जुना क्लब मँचेस्टर सिटीविरूद्ध खेळणार आहे. बॅयरन आणि बार्सिलोना यांच्याबरोबर ग्रुप C मध्ये इंटर मिलान आणि व्हिक्टोरिया प्लेझेन या संघाचा देखील समावेश आहे. 2020 मध्ये क्वार्टर फायलन सामन्यात बायरेनने बार्सिलोनाचा 8 - 2 असा पराभव केला होता.

आता बार्सिलोनाकडे 34 वर्षाचा फुटबॉलर लेवांडस्की आहे. त्याला क्लबने 50 लाख युरोजला विकत घेतले आहे. त्याने बायरेनकडून 8 वर्षात 344 गोल गेले आहेत. आता तो यंदाच्या हंगामात बायरेनविरूद्धच आपले दंड थोपटणार आहे.

या मोसमातील गट टप्प्यातील पहिल्या फेरीचे सामने 6 आणि 7 सप्टेंबर रोजी होणार आहेत. सगळे सहा मॅचडे हे नऊ आठवड्यांच्या स्पॅनमध्ये खेळवले जाणार आहेत. त्यामुळे ग्रुप स्टेज नेहमीपेक्षा लवकर संपणार म्हणजे 1 नोव्हेंबरला संपणार आहे. UEFA ला ग्रुप स्टेज 20 नोव्हेंबरपासून सुरू होणाऱ्या वर्ल्डकप पूर्वी संपवणे गरजेचे आहे.

Web Title: Football Uefa Champions League 2022 2023 Group Stage

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..