BADMINTON: ठाण्याच्या या बॅडमिंटन अकादमीची चर्चा थेट परदेशात! मालदीव, आयर्लंड, स्पेन अन् अमेरिकेतील खेळाडू प्रशिक्षणासाठी इथेच का येतात?

मुंबई : मागील चार दशके राष्ट्रीय व आंतरराष्ट्रीय स्तरावर दर्जेदार खेळाडू घडवणाऱ्या ठाणे बॅडमिंटन अकादमीत आता परदेशातील युवा खेळाडूंची पावले पडू लागली आहेत.

महाराष्ट्र व देशातील कानाकोपऱ्यांमधून असंख्य खेळाडूंसोबत आता जगभरातील खेळाडूही प्रगत प्रशिक्षणासाठी ठाणे बॅडमिंटन अकादमीची निवड करीत असून, अकादमीची गुणवत्ता आणि प्रशिक्षण पद्धतीला आंतरराष्ट्रीय स्तरावरही मोठी दाद मिळत आहे.