सबस्क्राईब करा
Hardik Pandya-Natasa Stankovic Update : भारतीय क्रिकेटपटू हार्दिक पांड्या आणि नताशा स्टॅनकोविक यांच्या घटस्फोटाबाबत बऱ्याच दिवसांपासून अफवा पसरत आहेत. पण दोघांनीही याबाबत कोणतेही वक्तव्य केले नाही. दरम्यान, नताशाने बुधवारी तिच्या इंस्टाग्राम स्टोरीद्वारे सूचित केले की ती अद्याप हार्दिक पांड्यापासून वेगळी झालेली नाही.
नताशाने बुधवारी तिच्या इंस्टाग्रामवर एक स्टोरी पोस्ट केली. ज्यामध्ये ती तिच्या पाळीव कुत्र्यासोबत दिसली. कुत्र्याने स्वेटर घातले होते ज्यावर पांडा दिसत आहे. नताशाच्या स्टोरीच्या कॅप्शनमध्ये कुत्र्याचे नाव ‘Baby Rover Pand(y)a' असे लिहिले आहे. या स्टोरीत नताशाने केवळ पांड्या हे आडनाव वापरले नाही तर ती हार्दिकच्या घरात राहात असल्याचेही सूचित केले आहे.
घटस्फोटाच्या अफवांदरम्यान नताशा स्टॅनकोविच सोशल मीडियावर सक्रिय आहे. तिच्या कामाशी संबंधित पोस्ट करण्यासोबतच ती तिचा मुलगा आगसत्यासोबतही पोस्ट शेअर करत आहे. हार्दिक आणि नताशा अजूनही एकमेकांना फॉलो करत आहेत. इतकंच नाही तर हार्दिकच्या कुटुंबातील सदस्यही नताशाला फॉलो करत आहेत आणि तिच्या पोस्टवर सतत कमेंट करत आहेत.
हार्दिक पांड्याने जानेवारी 2020 मध्ये नताशा स्टॅनकोविचशी लग्न केले. त्यानंतर अवघ्या सात महिन्यांत दोघेही आई-बाबा झाले. त्याचा मुलगा आगसत्याचा जन्म झाला. यानंतर गेल्या वर्षी फेब्रुवारीमध्ये दोघांनी ख्रिश्चन आणि हिंदू रितीरिवाजानुसार लग्न केले. पण या वर्षी फेब्रुवारीपासून या दोघांनीही एकही पोस्ट शेअर केलेली नाही आणि त्यामुळेच त्यांच्या घटस्फोट होण्याच्या बातम्या येऊ लागल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.