IND vs AUS : गिल अन् पुजारा आले! मी आता जॉब सोडू का? आर अश्विनचे ते ट्वीट चर्चेत
Ind vs Aus Test R Ashwin : बॉर्डर गावसकर ट्रॉफीमध्ये भारतीय संघाचा दबदबा पुन्हा एकदा पाहायला मिळाला. रोहित शर्मा अँड कंपनीने या मालिकेत ऑस्ट्रेलियाचा 2-1 असा पराभव केला आहे. अहमदाबाद कसोटीत दोन्ही संघांकडून उत्कृष्ट फलंदाजी पाहायला मिळाली.
टीम इंडियाचा स्टार आणि युवा फलंदाज शुभमन गिलसाठी अहमदाबाद कसोटी खूप खास आहे. ऑस्ट्रेलियाविरुद्धच्या या सामन्यात त्याने आपल्या कसोटी कारकिर्दीतील दुसरे शतक झळकावले. यासोबतच तो सामन्याच्या पाचव्या दिवशी कांगारूंच्या दुसऱ्या डावातही गोलंदाजी करताना दिसला. त्याचवेळी अनुभवी फलंदाज चेतेश्वर पुजारानेही गोलंदाजीत नशीब आजमावले.
मात्र अनुभवी ऑफस्पिनर रविचंद्रन अश्विनने या दोन फलंदाजांच्या गोलंदाजीवर काही मजेशीर प्रश्न उपस्थित केले आहेत. या संपूर्ण प्रकरणावर त्यांनी ट्विटही केले आहे.
बॉर्डर गावसकर ट्रॉफी 2023 मध्ये सर्वाधिक 25 विकेट घेणारा भारतीय गोलंदाज रविचंद्रन अश्विन थांबून कर्णधार रोहित पुजारा आणि गिलच्या चेंडू दिला. त्यानंतर दोन्ही स्टार फलंदाजांचे पाय खेचत अश्विनने ट्विटरवर ट्विट केले, 'मी काय करू? मी नोकरी सोडू का?'' या प्रतिक्रियेवर अण्णांनीही हसत हसत इसोजीचा वापर केला.
अश्विनचे हे ट्विट सोशल मीडियावर प्रचंड व्हायरल होत आहे. रविचंद्रन अश्विनने अहमदाबाद कसोटीच्या पहिल्या डावात 6 आणि दुसऱ्या डावात 1 बळी घेतला होता. त्याच्या कसोटी कारकिर्दीतील हे 32 वे पाच बळी ठरले.
चौथ्या कसोटीत नाणेफेक जिंकून प्रथम फलंदाजी करताना ऑस्ट्रेलियाने 480 धावा केल्या. उस्मान ख्वाजाने 180 आणि कॅमेरून ग्रीनने 114 धावा केल्या. अश्विनने सहा विकेट घेतल्या. प्रत्युत्तरात भारताने पहिल्या डावात 571 धावा केल्या आणि 91 धावांची आघाडी घेतली. ऑस्ट्रेलियाने दुसऱ्या डावात 2 बाद 175 धावा केल्या आणि सामना अनिर्णित ठेवण्याचा निर्णय घेतला.
भारताने नागपुरातील पहिली कसोटी एक डाव आणि 132 धावांनी जिंकली आणि दिल्लीतील दुसरी कसोटी सहा गडी राखून जिंकली. इंदूरमध्ये खेळल्या गेलेल्या तिसऱ्या कसोटीत ऑस्ट्रेलियाने नऊ गडी राखून विजय मिळवला.
हे ही वाचा
