पुणे - महाराष्ट्र राज्य लॉन टेनिस असोसिएशनच्या (एमएसएलटीए) वतीने आणि महाराष्ट्र सरकारच्या सहकार्याने आयोजित तिसऱ्या टाटा ओपन महाराष्ट्र टेनिस स्पर्धेत एकेरी गटात दक्षिण कोरियाच्या क्वान सून-वूने भारताच्या प्रजनेश गुनेश्वरनचा पराभव करत उपांत्यपूर्व फेरीत प्रवेश केला. प्रजनेशच्या पराभवासह स्पर्धेतील भारताचे आव्हानही संपले.
दक्षिण कोरियाच्या क्वानने भारताच्या राष्ट्रीय क्रमांक असेलेल्या प्रजनेशचा ६-३, ७-६(५) असा पराभव करत उपांत्यपूर्व फेरीत प्रवेश केला. १ तास ४४ मिनिटे चाललेल्या सामन्यात पहिल्या सेटमध्ये पहिल्या गेममध्ये प्रजनेशने क्वानची सर्व्हिस भेदत सामन्यात यशस्वी सुरुवात केली. मात्र पुढे दुसऱ्या गेममध्ये क्वानने प्रजनेशची सर्व्हिस ब्रेक करत सामना १-१ असा बरोबरीत आणला. सहाव्या गेममध्ये क्वानने प्रजनेशची सर्व्हिस भेदली आणि सातव्या गेममध्ये स्वतःची सर्व्हिस राखत ५-२ अशी भक्कम आघाडी घेतली. नवव्या गेममध्ये स्वतःची सर्व्हिस राखत पहिला सेट ६-३ असा जिंकला. दुसऱ्या गेममध्ये सामना बाराव्या गेमपर्यंत ६-६ असा बरोबरीत राहिल्याने टायब्रेक झाला. टायब्रेकमध्ये क्वानने आक्रमक खेळाचे प्रदर्शन करत ७-६(५) असा टायब्रेक जिंकत सामन्यात ६-३, ७-६(५) असा विजय मिळवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.