Video : अफगाण चाहत्यांचा पाकला चोप तर भारताची गळाभेट

IND vs AFG 2022 Viral Video : आशिया कप मध्ये सुपर-4 सामन्यात टीम इंडियाला पाकिस्तान आणि श्रीलंकेविरुद्ध पराभवाला सामोरे जावे लागले होते. यानंतर टीम इंडिया आशिया कपमधून बाहेर पडली. टीम इंडियाने आशिया कप 2022 च्या त्यांच्या शेवटच्या सामन्यात अफगाणिस्तानचा 101 धावांनी पराभव केला होता, मात्र या सामन्यादरम्यानचा एक व्हिडिओ सोशल मीडियावर खूप व्हायरल होत आहे. या व्हिडिओमध्ये भारत आणि अफगाणिस्तानचे चाहते एकमेकांना मिठी मारून भारत आणि अफगाणिस्तान झिंदाबादच्या घोषणा देत आहेत.

भारत आणि अफगाणिस्तानच्या चाहत्यांचा हा व्हिडिओ सोशल मीडियावर चांगलाच व्हायरल होत आहे. बुधवारी पाकिस्तान आणि अफगाणिस्तानचे संघ आमनेसामने होते. या सामन्यादरम्यान दोन्ही संघांचे खेळाडू मैदानात भिडले. त्याचवेळी स्टँडमध्ये पाकिस्तान आणि अफगाणिस्तानचे चाहते आमनेसामने आले. भारत आणि अफगाणिस्तान हे दोन्ही संघ आशिया कप 2022 च्या अंतिम फेरीच्या शर्यतीतून बाहेर पडले आहेत. आशिया चषक 2022 च्या अंतिम फेरीत 11 सप्टेंबर रोजी पाकिस्तान आणि श्रीलंका संघ आमनेसामने येणार आहेत.

अफगाणिस्तानमधील एका ट्विटर युजरने हा व्हिडिओ शेअर केला आहे. या व्हिडिओमध्ये भारत आणि अफगाणिस्तानचे चाहते एकमेकांना मिठी मारत आहेत. आता हा व्हिडिओ सोशल मीडियावर मोठ्या प्रमाणात व्हायरल होत आहे. हबीब खान नावाच्या एका ट्विटर युजरने व्हिडिओ शेअर केला आणि कॅप्शनमध्ये लिहिले की, अफगाणिस्तान आणि भारत सामन्यादरम्यान दोन्ही देशांच्या चाहत्यांमध्ये बंधुभाव होता. यासोबतच दोन्ही देशांच्या चाहत्यांना मिठी मारल्यानंतर ते भारत झिंदाबाज आणि अफगाणिस्तान झिंदाबाजच्या घोषणा देताना दिसत आहेत.