India vs New Zealand T20 : उपराजधानी होणार क्रिकेटमय; नागपूरकरांमध्ये भारी उत्सुकता, जामठा स्टेडियमवर भारत-न्यूझीलंड लढत

Nagpur gears up for the India vs New Zealand T20 match at Jamtha Stadium : नागपूर, ता. २० : उपराजधानीत आंतरराष्ट्रीय क्रिकेटचा सामना विशेषतः टी-२० किंवा वनडे असला की, हमखास वर्धा रोडवरील विदर्भ क्रिकेट असोसिएशनचे जामठा स्टेडियम हाऊसफुल्ल असते. उद्या, बुधवारी होणाऱ्या भारत-न्यूझीलंड टी-२० लढतीच्या निमित्ताने यावेळीदेखील जामठ्यात जवळपास असेच चित्र पाहायला मिळणार आहे. बऱ्याच वर्षांनंतर टी-२० सामना होत असल्यामुळे नागपूरकर क्रिकेटप्रेमींमध्ये सामन्याबद्दल प्रचंड उत्सुकता दिसून येत आहे.