India vs Pakistan : पाकिस्तानने तब्बल 8 वर्षांनी भारताचा Asia Cup मध्ये केला पराभव

India Vs Pakistan Asia Cup 2022 : दुबई येथे खेळल्या गेलेल्या आशिया कपच्या सुपर 4 मध्ये पाकिस्तानने भारताचा 5 विकेट्सने पराभव केला. पहिल्यांदा खेळताना भारतीय संघाने 20 षटकात 7 विकेट गमावत 181 धावा केल्या. प्रत्युत्तरात पाकिस्तानने शेवटच्या षटकात लक्ष्याचा पाठलाग केला. पाकिस्तानकडून मोहम्मद नवाजने 20 चेंडूत 42 धावांची तुफानी खेळी खेळली. यादरम्यान त्याच्या बॅटने सहा चौकार आणि दोन षटकार मारले.

आशिया कपमध्ये विशेष म्हणजे 8 वर्षांनंतर पाकिस्तानने भारताचा पराभव केला आहे. यापूर्वी 2014 मध्ये पाकिस्तानने भारताविरुद्ध आशिया कप जिंकला होता. सलग पाच पराभवांनंतर आता पाकिस्तानचा कुठे विजय झाला आहे.

नाणेफेक गमावल्यानंतर प्रथम फलंदाजीला आलेल्या रोहित शर्मा आणि केएल राहुल यांनी संघाला दमदार सुरुवात करून दिली. दोघांमध्ये पहिल्या विकेटसाठी 31 चेंडूत 54 धावांची भागीदारी केली. रोहित शर्मा 16 चेंडूत 28 धावा करून पॅव्हेलियनमध्ये परतला. केएल राहुल 28 धावा करून बाद झाला. सूर्यकुमार यादवने 13, ऋषभ पंतने 14 धावा करून बाद झाले. हार्दिक पांड्या खाते न उघडताच बाद झाला. विराट कोहलीच्या अर्धशतकाच्या जोरावर भारताने प्रथम फलंदाजी करताना 20 षटकांत 7 गडी गमावून 181 धावा केल्या.

प्रत्युत्तरात पाकिस्तानने 1 चेंडू शिल्लक असताना 5 गडी गमावत 182 धावा करून सामना जिंकला. 182 धावांच्या लक्ष्याचा पाठलाग करताना पाकिस्तानच्या बाबर आणि रिझवान यांनी पहिल्या विकेटसाठी 22 चेंडूत 22 धावांची भागीदारी केली. बाबर 14 धावा करून बाद झाला. फखर जमानने 18 चेंडूत 15 धावा केल्या. मोहम्मद नवाज झंझावाती खेळी खेळून बाद झाला. त्याने 20 चेंडूत 42 धावा केल्या. मोहम्मद रिझवान 71 धावा करून पॅव्हेलियनमध्ये परतला.