17 वर्षीय शफालीच धमाकेदार पदार्पण; स्मृतीनेही दाखवला तोरा!

India Women vs England Women Test Day 2 : इंग्लंड विरुद्ध रंगलेल्या कसोटी सामन्यातून कसोटीत पदार्पण करणाऱ्या शफाली वर्माने दमदार सुरुवात केली. स्मृती मानधनासोबत डावाला सुरुवात करणाऱ्या शफालीने पदार्पणातील कसोटी सामन्यात नावाला साजेसा खेळ करत अर्धशतकी खेळी केली. खणखणीत चौकार खेचत 83 चेंडूत तिने कसोटी कारकिर्दीतील पहिले वहिले अर्धशतक पूर्ण केले. 17 वर्षीय शफालीने पहिल्या कसोटी सामन्यात लक्षवेधी खेळ करुन दाखवलाय. शफाली पाठोपाठ स्मृती मानधनाने अर्धशतक पूर्ण केले असून या दोघींनी शतकी भागीदारी करत संघाला मजबूत स्थितीत पोहचवले.

इंग्लंडच्या महिला संघाने 9 बाद 396 धावांवर आपला पहिला डाव घोषीत केला. भारताकडून पहिला कसोटी सामना खेळणाऱ्या स्नेह राणाने सर्वाधिक 4 विकेट घेतल्या. या फिरकीपटूला दिप्तीची साथ मिळाली. दिप्ती शर्माने 3 विकेट मिळवल्या. पूज वस्त्रारकर आणि भारतीय महिला संघाची प्रमुख गोलंदाज झुलन गोस्वामी यांनी प्रत्येकी एक-एक विकेट मिळवल्या. इंग्लंडच्या महिला संघाणे टॉस जिंकून धावांचा डोंगर निश्चितच उभा केला आहे. पण भारतीय सलामी जोडीने ज्या तोऱ्यात सुरुवात केलीय ती लाजवाब अशीच आहे.