सबस्क्राईब करा
जकार्ता : भारताची अनुभवी खेळाडू पी. व्ही. सिंधू हिला इंडोनेशिया ओपन बॅडमिंटन स्पर्धेत सलामीच्याच लढतीत निराशेचा सामना करावा लागला. चीन तैपईच्या वेन ची. सू. हिने सिंधूचा कडवा संघर्ष तीन गेममध्ये मोडून काढला आणि पुढल्या फेरीत प्रवेश केला.
वेन ची. सू. हिने पहिला गेम २१-१५ असा आपल्या नावावर केला, मात्र अनुभवी खेळाडू पी. व्ही. सिंधू हिने दुसऱ्या गेममध्ये झोकात पुनरागमन केले. तिने हा गेम २१-१५ असा जिंकत १-१ अशी बरोबरी साधली. चीन तैपईच्या खेळाडूने तिसऱ्या गेममध्ये सर्वोत्तम खेळ केला. तिने या गेममध्ये २१-१४ असे यश मिळवत लढतही जिंकली. सिंधू हिचा एक तास व दहा मिनिटांत पराभव झाला.
तनीषा-अश्विनीचा विजय
भारताला दुहेरी विभागात संमिश्र यश मिळाले. एकीकडे तनीषा क्रॅस्टो-अश्विनी पोन्नाप्पा यांनी महिला दुहेरीत विजय साकारला, तर दुसरीकडे ॠतपर्ण पंडा व श्वेतपर्ण पंडा या जोडीला हार सहन करावी लागली. तनीषा-अश्विनी जोडीने जॅकी डेंट-क्रिस्टल लेई या जोडीचे आव्हान २१-१५, २१-१५ असे ३४ मिनिटांत संपुष्टात आणले. किम यिआँग - काँग याँग या जोडीने ॠतपर्ण-श्वेतपर्ण जोडीवर २१-१२, २१-९ अशी मात केली. भारतीय जोडीचा ३६ मिनिटांत पराभव झाला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.