Irani Cup 2022 : आजपासून इराणी करंडकाला सुरुवात; सर्वांच्या नजरा चेतेश्वर पुजारावर

राजकोट: देशांतर्गत क्रिकेट स्पर्धांमधील महत्वाची स्पर्धा असणाऱ्या इराणी करंडकाचा सामना आजपासून राजकोटमधील सौराष्ट्र क्रिकेट असोसिएशनच्या मैदानावर खेळविला जाणार आहे. सौराष्ट्र विरुद्ध शेष भारत यांच्यात होणाऱ्या या सामन्यात सर्वांच्या नजरा भारताच्या कसोटी संघातील दिग्गज फलंदाज आणि सध्या धावा काढण्यासाठी झगडणाऱ्या चेतेश्वर पुजारावर असतील. आगामी बांग्लादेशच्या कसोटी दौऱ्याचा पार्श्वभूमीवर इराणी करंडकाचा सामना पुजारासाठी महत्वाचा ठरणार आहे. या वर्षीच्या कौंटी क्रिकेट स्पर्धेमध्ये ससेक्स संघाकडून खेळताना पुजाराने चांगली कामिगिरी केली आहे. सौराष्ट्र संघाच्या नेतृत्वाची धुरा वेगवान गोलंदाज जयदेव उनाडकटच्या खांद्यावर असेल ; तर शेषभारताचा कर्णधार हनुमा विहारी असेल. सौराष्ट्राच्या संघ हा २०१९-२० च्या रणजी मौसमाचा विजेता संघ आहे. मात्र गेले दोन वर्ष कोरोनाचा काळ असल्याने इराणी करंडक खेळविण्यात आला नव्हता.

इराणी करंडकासाठी संघ पुढील प्रमाणे:

१) सौराष्ट्र: जयदेव उनाडकट ( कर्णधार), चेतेश्वर पुजारा,शेल्डन जॅक्सन, अर्पित वसावडा, चिराग जानी, कमलेश मकवाना, धर्मेंद्रसिंह जडेजा, प्रेरक मंकड, चेतन सकारिया, स्नेल पटेल, विश्वराजसिंह जडेजा, कुशांग पटेल, हार्वीक देसाई, समर्थ व्यास, पार्थ भुट, किशन परमार.

२) शेष भारत : हनुमा विहारी ( कर्णधार), मयंक अगरवाल, प्रियांक पांचाल, अभूमन्यू ईश्वरन, यश धूल, सर्फराझ खान, यशस्वी जैसवाल, के.एस.भारत, उपेंद्र यादव, जयंत यादव, सौरभ कुमार, आर.साई. किशोर, मुकेश कुमार, उम्रान मलिक, कुलदीप सेन,अरझान नागवासवाला.