इशान किशनच्या डोक्याला दुखापत; रूग्णालयात केले दाखल | Ishan Kishan sustained a head injury and was rushed to a hospital | Sakal
sakal

बोलून बातमी शोधा

Ishan Kishan sustained a head injury and was rushed to a hospital

इशान किशनच्या डोक्याला दुखापत; रूग्णालयात केले दाखल

धरमशाला: भारत आणि श्रीलंका (India vs Sri Lanka) यांच्यातील दुसऱ्या टी 20 सामन्यात भारताचा सलामीवीर इशान किशनच्या (Ishan Kishan) डोक्याला दुखापत (Head Injury) झाली होती. त्याला हिमाचल प्रदेशमधील रूग्णालयात (Hospital) नेण्यात आले होते. इशान किशन बरोबरच श्रीलंकेचा फलंदाज दिनेश चंदीमलला (Dinesh Chandimal) देखील रूग्णालयात नेण्यात आले आहे. फिल्डिंग करत असतना त्याच्या बोटाला दुखापत झाली होती.

हेही वाचा: भीतीदायक वातावरणात ऑस्ट्रेलिया पोहचली पाकिस्तानात

दरम्यान इशान किशनवर उपचार करणाऱ्या डॉ. शुभम यांनी सांगितले की, 'मला भारतीय क्रिकेट संघाकडून संपर्क करण्यात आला होता. मला माहिती देण्यात आली की भारतीय खेळाडूच्या डोक्याला दुखापत झाली आहे. त्याला रुग्णालयात आणण्यात आले. त्याचा सीटी स्कॅन (CT scan) करण्यात आला असून त्याला निरिक्षणाखाली (Under Observation) ठेवण्यात आले आहे.'

डॉ. शुभम पुढे म्हणाले की, 'श्रीलंकेचा खेळाडू देखील रूग्णालयात दाखल झाला आहे. त्याच्या अंगठ्याला दुसऱ्या टी 20 सामन्यात दुखापत झाली होती. आम्ही त्याच्यावरही लक्ष ठेवून आहोत सध्या परिस्थिती सामान्य आहे.'

हेही वाचा: युक्रेनच्या टेनिसपटूने रॅकेट सोडून बंदुक घेतली हातात

दुसऱ्या टी 20 सामन्यात श्रीलंकेने भारतासमोर 184 धावांचे तगडे आव्हान ठवले होते. मात्र भारतीय फलंदाजांनी हे आव्हान 18 व्या षटकातच पार करत मालिकेतला सलग दुसरा सामना जिंकला. याचबरोबर भारताने तीन सामन्यांच्या मालिकेत 2-0 अशी विजयी आघाडी घेतली. भारताकडून श्रेयस अय्यरने (Shreyas Iyer) धडाकेबाज फलंदाजी करत 74 धावांची खेळी केली. तर रविंद्र जडेजाने 15 चेंडूत 48 धावांची तुफानी खेळी करत भारताचा विजय साकारला. संजू सॅमसनने देखील 25 चेंडूत 39 धावांची खेळी केली.

Web Title: Ishan Kishan Sustained A Head Injury And Was Rushed To A Hospital After 2nd T20i Against Sri Lanka

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..