सेंट किट्‌स : ऑस्ट्रेलियन क्रिकेट संघाची वेस्ट इंडीज दौऱ्यातील धडाकेबाज कामगिरी रविवारीही कायम राहिली. ग्लेन मॅक्सवेलची अष्टपैलू चमक (दोन झेल व १८ चेंडूंमध्ये ४७ धावा) आणि जॉश इंग्लिस (५१ धावा), कॅमेरुन ग्रीन (नाबाद ५५ धावा) यांच्या शानदार फलंदाजीच्या जोरावर ऑस्ट्रेलियन संघाने वेस्ट इंडीज संघावर तीन विकेट व चार चेंडू राखून मात केली आणि पाच सामन्यांच्या टी-२० मालिकेत ४-० अशी आघाडी घेतली. ऑस्ट्रेलियाचा हा टी-२० मालिकेतील सलग चौथा विजय ठरला. मॅक्सवेलची सामनावीर म्हणून निवड करण्यात आली.