मंबई क्रिकेट संघटनेचा निवडणूक सहभाग अनिश्‍चित

मुंबई क्रिकेट संघटना

मुंबई : मुंबई क्रिकेट संघटनेने अंतर्गत निवडणूक प्रक्रिया पूर्ण करण्याच्या दिशेने पावले उचलली आहेत. त्या दृष्टीने त्यांनी सर्व कागदपत्रे भारतीय मंडळास पाठवलीही आहेत; पण अद्यापही त्यांच्या निवडणूक सहभागाबाबत अनिश्‍चितताच आहे.

भारतीय क्रिकेट मंडळाने संलग्न संघटनांना मंडळाच्या घटनेनुसार घटना तयार करण्यास; तसेच निवडणूक अधिकारी नेमण्यास सांगितले आहे. ही प्रक्रिया 26 संघटनांनी पूर्ण केली आहे; तर अन्य चार संघटनांची लवकरच पूर्ण होईल. ज्या संघटना निकष पूर्ण करतील, त्यांनाच भारतीय मंडळाच्या निवडणुकीत मतदानाचा अधिकार असेल, असे भारतीय क्रिकेट मंडळावरील प्रशासकीय समितीचे प्रमुख विनोद राय यांनी सांगितले.

आम्ही या संदर्भातील सर्व प्रक्रिया पूर्ण केलेली कागदपत्रे भारतीय मंडळाकडे पाठवली आहेत. त्यांच्या निर्णयाची आम्हालाही प्रतीक्षा आहे. त्यांचा ई-मेल आला असेल; पण गेले काही दिवस मुंबईत पाऊस सुरू आहे. त्यामुळे आम्ही कार्यालयात जाऊन ई-मेल चेक केलेला नाही. आज सोमवारी संघटनेच्या कार्यालयास साप्ताहिक सुट्टी असते. त्यामुळे आज काही सांगता येणार नाही, असे मुंबई क्रिकेट संघटनेतील पदाधिकाऱ्यांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

मंबई क्रिकेट संघटनेचा निवडणूक सहभाग अनिश्‍चित

Related Stories