गोल्डन बॉय नीरज चोप्राची 2022 Laureus Award साठी निवड

ऑलिम्पिक स्पर्धेत गोल्डन कामगिरी करुन विक्रम प्रस्थापित करणाऱ्या नीरज चोप्राची Laureus World Breakthrough पुरस्कारासाठी निवड करण्यात आली आहे. त्याच्याशिवाय ब्रिटीश टेनिस स्टार इमा राडूकानू (Emma Raducanu), टेनिस स्टार डॅनियल मेदवेदेव, Pedri, स्पॅनिश फुटबॉल स्टार पॅड्री (Pedri), युलिमार रोजास (Yulimar Rojas) आणि एरियार्न टिटमस (Ariarne Titmus.) या खेळाडूंचा समावेश आहे.

लॉरेन्स पुरस्कार हा क्रीडा क्षेत्रातील जागतिक दर्जाचा सर्वोत्तम पुरस्कार आहेत. या पुरस्कारासाठी पात्र ठरणारा नीरज चोप्रा हा तिसरा भारतीय खेळाडू आहे. याआधी 2019 मध्ये भारताची महिला कुस्तीपटू विनेश फोगाट आणि सचिन तेंडुलकर यांना नामांकन मिळवले होते. 2011 मध्ये भारतीय पुरुष संघाने वर्ल्ड कप स्पर्धा जिंकली होती. या जेतेपदानंतर मास्टर ब्लास्टर सचिन तेंडुलकर भावूक झाल्याचे पाहायला मिळाले होते. भारतीय संघातील खेळाडूंनी तेंडुलकरला खांद्यावर उचलून मैदानावर फेरी मारली होती. हा क्षण 2000 चे 2020 या वीस वर्षांतील क्रीडा क्षेत्रातील सर्वोत्तम क्षण ठरला होता.

टोकियो ऑलिम्पिक स्पर्धेत नीरज चोप्राने 87.58 मीटर भाला फेकत सुवर्ण पदक पटकावले होते. ऑलिम्पिक स्पर्धेत अॅथलेटिक्समध्ये गोल्डन कामगिरी करणारा तो भारताचा पहिला खेळाडू ठरला होता.