पाकिस्तानात असूनही न्यूझीलंडने केली वन डे मालिका रद्द, कारण...

न्यूझीलंड संघाचा तब्बल १८ वर्षांनी नियोजित झालेला पाकिस्तान दौरा सामना सुरू होण्याच्या काही मिनिटं आधी रद्द करण्यात आला. आजपासून न्यूझीलंडचा संघ पाकिस्तानमध्ये तीन वन डे सामन्यांची मालिका खेळणार होता. त्यासाठी न्यूझीलंडचा संघ आधीच पाकिस्तानाच दाखल झाला होता. पण सामन्याच्या काही वेळ आधी सुरक्षेच्या कारणास्तव न्यूझीलंड क्रिकेट बोर्डाने हा दौरा रद्द केला. न्यूझीलंडला सुरक्षेच्या मुद्द्यावर काही गोष्टींची माहिती मिळाल्यामुळे आयत्या वेळी हा दौरा रद्द करण्यात आला. पण न्यूझीलंडचे सर्व खेळाडू आणि सपोर्ट स्टाफ पाकिस्तानात सुखरूप आहेत, अशी माहिती खुद्द पाकिस्तानचे पंतप्रधान इम्रान खान यांनी न्यूझीलंडच्या पंतप्रधान जॅकीना अर्डर्न यांनी दिली.

पाकिस्तान क्रिकेट बोर्डाने केलेल्या ट्विटनुसार, सामना सुरू होण्याआधी न्यूझीलंड क्रिकेट बोर्डाने पाकिस्तान क्रिकेट बोर्डाला माहिती दिली की न्यूझीलंडच्या गुप्तचर विभागाने सुरक्षेच्या मुद्द्यावरून काही माहिती दिली आहे. अशा परिस्थितीत जोखीम घेऊन दौरा खेळवणे योग्य नसल्याने दोन्ही क्रिकेट बोर्डांनी सामंजस्याने ही मालिका पुढे ढकलण्याचा निर्णय घेतला आहे. सध्या पाकिस्तानात असलेल्या न्यूझीलंडच्या संघासाठी पाकिस्तान क्रिकेट बोर्ड आणि सरकार यांनी चोख सुरक्षाव्यवस्था ठेवली आहे.