जोकोविचची सुटका करा, व्हिसा परत द्या; न्यायालयाचा ऑस्ट्रेलिया सरकारला आदेश | Sakal
sakal

बोलून बातमी शोधा

Novak-Djokovic

टेनिस कोर्टवर अधिराज्य गाजवणाऱ्या जोकोविचचा ऑस्ट्रेलिया सरकारविरोधातील न्यायालयीन लढ्यातही विजय झाला आहे.

जोकोविचची सुटका करा, व्हिसा परत द्या; न्यायालयाचा ऑस्ट्रेलिया सरकारला आदेश

मेलबर्न - टेनिस कोर्टवर अधिराज्य गाजवणाऱ्या जोकोविचचा ऑस्ट्रेलिया सरकारविरोधातील न्यायालयीन लढ्यातही विजय झाला आहे. कोरोनाच्या नियमांचे उल्लंघन केल्याचा ठपका ठेवत नंबर वन टेनिस स्टार नोवाक जोकोविचचा व्हिसा ऑस्ट्रेलियन सरकारने रद्द केला होता. तसंच त्याला हॉटेलमध्ये विलिगीकरणात ठेवण्यात आलं होतं. याविरोधात जोकोविचने न्यायालयात धाव घेत याचिका दाखल केली होती. याप्रकरणी सुनावणीवेळी न्यायालयाने जोकोविचला तात्काळ सोडण्याचे आणि त्याचा व्हिसा परत देण्याचे आदेश न्यायालयाने दिले आहेत.

न्यायालायने जोकोविचच्या बाजुने निकाल देताना व्हिसा रद्द करण्याचा निर्णय चुकीचा असल्याचं म्हटलं आहे. तसंच याबद्दल सरकारने जोकोविचला नुकसानभरपाई द्यावी असेही न्यायालयाने सांगितलं आहे.

न्यायालयाने जोकोविचला प्रश्न विचारला की, कोरोनाच्या नियमांचे पालन करण्यासाठी तो आणखी काय करू शकत होता? यावर जोकोविचच्या वतीने वकिलांनी माहिती देताना सांगितलं की, जोकोविचला लसीकरणाचे पुरावे देण्याची गरज नाही कारण त्याच्याकडं गेल्याच महिन्यात कोरोनाची लागण झाल्याचा पुरावा आहे. तसंच टेनिस ऑस्ट्रेलियाकडून देण्यात आलेली वैद्यकीय सूट आणि त्याची कागदपत्रेही विमानतळावर देण्यात आली होती. यापेक्षा अधिक काही करता येऊ शकत नव्हतं.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top