अफ्रिदीची चिमुकली देतेय मृत्यूशी झुंज; सोशल मीडियातून मागितली दुऑं

पाकिस्तानचा क्रिकेटर आसिफ अफरिदी मोठ्या संकटाला तोंड देत आहे. त्याची नन्ही परी रुग्णालयात असून ती मृत्यूशी झुंज देत आहे. त्याने तिचा रुग्णालयातील फोटो शेअर करत त्याने मदतीची विनंती केली आहे.

आसिफ अफरीदी आपल्या नन्ह्या परीचा रुग्णालयात अॅडमिट असलेला फोटो सोशल मीडियावर शेअर केला आहे. त्याने, 'कृपया माझी मुलगी लवकरात लवकर बरी होण्यासाठी तुम्ही सर्वांनी प्रार्थना करा' असा भावूक मेसेज त्याने सर्वांना केला आहे.

या ट्विटनंतर पाकिस्तानचे माजी क्रिकेटपटू उमर गुल आणि सलमान बट पुढे आले आहेत. त्यांनी मदतीचा हात पुढे केला आहे. या दोन्ही माजी पाकिस्तानी क्रिकेटपटूंनी चिमुकलीसाठी प्रार्थनादेखील केली.

35 वर्षीय असिफला अद्याप पाकिस्तानच्या राष्ट्रीय संघातून खेळण्याची संधी मिळालेली नाही. 2009 मध्ये त्याने प्रथम श्रेणी क्रिकेटमध्ये पदार्पण केले होते.

ऑलराऊंडर आसिफ अफरीदी हा पाकिस्तान सुपर लीग २०२२ मध्ये मुल्तान सुल्तान संघाचा हिस्सा होता. या सत्रादरम्यान त्याने ५ सामन्यात कमालीची गोलंदाजी करत ८ विकेट घेतल्या आहेत. ऑस्ट्रेलियाविरुद्ध खेळण्यात आलेल्या टी २० सीरीजमध्ये पाकिस्तानने त्याला संघात स्थान दिले होते. मात्र, तो प्लेइंग इलेव्हनचा हिस्सा बनू शकला नाही. त्याला मोहम्मद नवाज जागी स्थान दिले होते.

आसिफ आफ्रिदी शेवटचा पाकिस्तानमधील लिस्ट-ए स्पर्धेत खैबरकडून खेळला होता. यादरम्यान तो गोलंदाजीत यशस्वी ठरला. त्याने सामन्यांमध्ये सातत्याने विकेट्स घेतल्या. याशिवाय अर्धशतक झळकावण्यातही तो यशस्वी ठरला. मात्र, वेस्ट इंडिजविरुद्ध खेळल्या जाणाऱ्या एकदिवसीय मालिकेत आसिफ पाकिस्तान संघाचा भाग नाही. वेस्ट इंडिज आणि पाकिस्तान यांच्यातील तीन एकदिवसीय सामन्यांच्या मालिकेतील पहिला सामना 8 जून रोजी मुलतान येथे होणार आहे.