Praggnanandhaa Sister Vaishali : प्रज्ञानंदा अन् वैशालीने रचला इतिहास! ठरले पहिले ग्रँडमास्टर बहीण - भाऊ

Praggnanandhaa and sister Vaishali : वैशाली रमेशबाबू ही भारताची तिसरी महिला ग्रँडमास्टर ठरली आहे जिने 2500 रेटिंग पाँईंट्स पार केले आहेत. बीबीसीने दिलेल्या वृत्तानुसार या कामगिरीबरोबरच वैशाली आणि तिचा लहाण भाऊ प्रज्ञानंदा हे दोघेही बुद्धीबळाच्या इतिहासातील पहिले ग्रँडमास्टर भाऊ - बहीण झाले आहेत.

वैशालीचं पाहूनच प्रज्ञानंदा हा बुद्धीबळाकडे वळला होता. मात्र ज्यावेळी प्रज्ञानंदा हा 2018 ला दुसरा सर्वात युवा ग्रँडमास्टर झाला त्यानंतर प्रज्ञानंदा हा प्रकाशझोतात आला. मात्र त्याची बहीण देखील उत्तम बुद्धीबळपटू आहे. आज तिच्या कामगिरीने प्रज्ञानंदासोबत ती देखील प्रकाशझोतात आली आहे.

प्रज्ञानंदाची बहीण वैशाली वयाच्या 22 व्या वर्षी अखेर प्रज्ञानंदाच्या सावलीतून बाहेर पडली आहे. त्याची गुणवत्ता आणि कामगिरी कमी नव्हती. ती 15 व्या वर्षी महिला आंतरराष्ट्रीय मास्टर, 17 व्या वर्षी वुमन ग्रँडमास्टर आणि 20 व्या वर्षी आंतरराष्ट्रीय ग्रँडमास्टर झाली आहे.

बीबीसीने दिलेल्या माहितीनुसार वैशालीच त्यांच्या कुटुंबात पहिल्यांदा बुद्धीबळ खेळायला लागली. ती प्रज्ञानंदापेक्षा चार वर्षांनी मोठी आहे. तिना आता भारताचा 12 वर्षाचा दुष्काळ संपवला. ती भारताची फक्त तिसरी फिमेल ग्रँडमास्टर बनली आहे. यापूर्वी कोनेरू हम्पी आणि हरिका द्रोणावली या दोघी फिमेल ग्रँडमास्टर झाल्या आहेत.