Grandmaster R. Praggnanandhaa : प्रज्ञानंदची पराभवाची मालिका कायम

प्राग : भारताचा युवा ग्रँडमास्टर आर. प्रज्ञानंद याची पराभवाची मालिका शुक्रवारीही कायम राहिली. प्राग मास्टर्स बुद्धिबळ स्पर्धेत सलग दुसऱ्या दिवशी प्रज्ञानंदला पराभवाला सामोरे जावे लागले. रोमानियाच्या रिचर्ड रॅपोर्ट याच्याकडून त्याला हार पत्करावी लागली.

आता अखेरच्या सहा फेऱ्यांमध्ये प्रज्ञानंदला सर्वस्व पणाला लावावे लागणार आहे. नोदीरबेक अब्दुसत्तारोव व परहॅम मॅगसुदलू यांनी प्रत्येकी २.५ गुणांसह संयुक्तपणे पहिले स्थान मिळवले आहे. भारताचा डी. गुकेश व रिचर्ड रॅपोर्ट यांना प्रत्येकी दोन गुणांची कमाई करता आली आहे.