Neymar Jr : मॉडेल ब्रुना गरोदर! PSG सुपरस्टार नेमार दुसऱ्यांदा होणार बाप

ब्राझिलीयन स्टार फुटबॉलर आणि पीएसजी नेमार हा लवकरच बाप बनणार आहे. नेमार आणि त्याची गर्लफ्रेंड यांनी नुकतेच आपल्या प्रेग्नेंसीबद्दल सोशल मीडिया पोस्टद्वारे माहिती दिली आहे. यानंतर चाहते त्यांच्या पोस्टवर अभिनंदनाचा वर्षाव करत आहेत.

नेमार आणि त्याच्या गर्लफ्रेडने 2022 मध्ये त्यांच्या नात्याबद्दल माहिती दिली होती. नेमारच्या प्रेयसीला मूल झाल्यास, त्याच्या नवीन गर्लफ्रेंडसोबत हे त्याचे पहिले अपत्य असेल.

31 वर्षीय नेमारला आधीच 11 वर्षांचे मूल आहे. त्याचे नाव शॉन डेव्ही लुका आहे. नेमार त्याची माजी प्रेयसी कार्लोना डेंटाससोबत आधीच पिता बनला आहे. त्यावेळी त्यांचे वय अवघे 19 वर्षे होते.

नेमारला वयाच्या 19 व्या वर्षी त्याची तत्कालीन मैत्रीण कॅरोलिना डांटाससोबत पहिले मूल झाले. बार्सिलोना आणि पॅरिस सेंट-जर्मेन सोबत असताना त्याचा मुलगा डेव्ही लुका हा अनेकदा त्याच्यासोबत दिसला आहे. नेमारचे हे दुसरे अपत्य असेल.

दरम्यान मॉडेल ब्रुना बियानकार्डी एक साओ पाउलो-बेस मॉडेल आणि सोशल मीडिया एन्फ्लुअंसर आहे ज्याची स्वतःची कपड्यांचा ब्राँड देखील आहे. आता नेमारच्या गर्लफ्रेंडने त्याच्यासोबत काही सुंदर फोटो शेअर करत गुड न्यूज दिली आहे.