पुणे : पुणे जिल्हा बास्केटबॉल संघटना आयोजित ७५व्या ज्युनिअर (अठरा वर्षांखालील) गटाच्या राज्य अजिंक्यपद बास्केटबॉल स्पर्धेत मुले व मुलींच्या गटातून यजमान पुण्याच्या संघांनी आपली आगेकूच कायम राखताना उपांत्यपूर्व फेरी गाठली आहे. .म्हाळुंगे बालेवाडी येथील श्री शिवछत्रपती क्रीडा संकुलात सुरु असलेल्या या स्पर्धेत मुलींच्या गटात पुणे संघाने अहिल्यानगर संघावर १००-३९ असा ६१ गुणांनी विजय मिळविला त्यात महत्त्वाचा वाटा लक्ष्मी जोशी (१९ गुण), अक्षया पाटीलचा (१७ गुण) होता. पुण्याने त्याआधी अनुषा सोनटक्के (१२ गुण) आणि आर्या पटागरेने (८ गुण) केलेल्या सुरेख खेळाच्या जोरावर परभणीचा ६९-८ असा पराभव केला होता..अपराजिता दासने केलेल्या सुरेख खेळाच्या जोरावर दक्षिण पूर्व मुंबई संघाने जळगांववर ५२-६ असा ४६ गुणांनी विजय मिळविला. अन्य लढतीत नांदेडने गोंदियाचा ४९-१, पालघरने चंद्रपूरचा १८-१, बीडने रायगडचा ३९-७, धुळे संघाने दक्षिण पश्चिम मुंबई संघाचा ३१-२६ असा पराभव केला..मुलांच्या गटातून पुणे, कोल्हापूर, सातारा, नाशिक, नागपूर, मध्य मुंबई, दक्षिण पूर्व मुंबई, उत्तर मुंबई आणि मुलींच्या गटातून पुणे, मध्य मुंबई, उत्तर मुंबई, कोल्हापूर, नागपूर, ठाणे, नांदेड या संघांनी आपली आगेकूच कायम राखली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
