मॅक्सिकन ओपनच्या (Maxican Open) सेमी फायनलमध्ये स्पेनच्या राफेल नदालने (Rafael Nadal) रशियाच्या (Russia) डॅनिल मेदवेदेवचा (Daniil Medvedev) 6-3, 6-3 अशा दोन सेटमध्ये सहज पराभव करत फायनल गाठली.
विशेष म्हणजे मेदवेदेवने ऑस्ट्रेलियन ओपनमध्ये (Australian Open) नदालकडून फायनमध्ये मिळालेल्या पराभवाचे उट्टे काढण्याची वल्गना केली होती. मात्र राफेल नदालने दोन सरळ सेटमध्येच त्याला मात देत कोर्टवर अजूनही तोच बॉस असल्याचे दाखवून दिले. नदालच्या रशियन मेदवेदेववरील विजयानंतर प्रेक्षकांनी एकच जल्लोष केला. याचा व्हिडिओ सध्या व्हयरल (Video Viral) होत आहे.
राफेल नदालने सान्याच्या सुरूवातीपासूनच धडाकेबाज खेळ करण्यास सुरूवात केली होती. डॅनिल मेदवेदेवला त्याच्या पहिल्याच सर्व्हिस गेममध्ये दोनवेळा ब्रेक पॉईंटचा बचाव करावा लागला. त्यानंतर नदालने 3-1 अशी आघाडी घेतली. ही आघाडी त्याने कायम राखत पहिला सेट 6-3 असा जिंकला. पहिला सेट जिंकल्यानंतर नदाल दुसऱ्या सेटमध्येही चांगल्या लयीत दिसत होता.
मात्र मेदवेदेवने आपल्या बॅकहँड ड्रोपशॉटचा चांगला वापर करत नदालला अडचणीत आणण्याचा प्रयत्न केला. मेदवेदेवने दुसऱ्या सेटमध्ये नदालच्या फक्त दोन सर्व्हिसमध्ये 11 ब्रेक पॉईंट मिळवले. मात्र अनुभवी नदालने दोन्ही सर्व्हिस राखल्या आणि मेदवेदेवचा पुनरागमनाचा प्रयत्न हाणून पाडला. अखेर नदालने दुसरा सेट 6-3 असा जिंकत फायनल गाठली. आता त्याचा सामना ब्रिटनच्या कॅमेरॉन नॉरिये याच्याबरोबर फायनमध्ये भिडणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
