Virat Kohli Asia Cup 2022 : 'सगळ्यांची तोंडे बंद होणार..', शास्त्रींचे कोहलीवर मोठे वक्तव्य | Sakal
sakal

बोलून बातमी शोधा

ravi shastri on virat kohli

Virat Kohli Asia Cup 2022 : 'सगळ्यांची तोंडे बंद होणार..', शास्त्रींचे कोहलीवर मोठे वक्तव्य

Asia Cup 2022 : भारतीय संघ आशिया कपमध्ये पहिला सामना कट्टर प्रतिस्पर्धी पाकिस्तानविरुद्ध खेळणार आहे. कोहलीने इंग्लंडविरुद्ध शेवटचा सामना खेळला आणि तेव्हापासून तो मैदानापासून दूर आहे. मात्र, इंग्लंड दौऱ्यानंतर विराट कोहली महिनाभराच्या विश्रांतीनंतर पुनरागमन करत आहे. 28 ऑगस्ट रोजी दुबई आंतरराष्ट्रीय क्रिकेट स्टेडियमवर टीम इंडिया आशिया चषकात पाकिस्तानविरुद्ध खेळेल तेव्हा सर्वांच्या नजरा विराट कोहलीवर असतील.

हेही वाचा: Asia Cup 2022 : इथे रंगणार IND vs PAK सामना: जाणून घ्या वेळ अन् सर्व काही

विराट कोहलीचा खराब फॉर्म चर्चेचा केंद्रबिंदू राहिला आहे. या स्टार फलंदाजाने नोव्हेंबर 2019 मध्ये शेवटचे आंतरराष्ट्रीय शतक झळकावले आहे. तेव्हापासून तो सर्व प्रकारच्या क्रिकेटमध्ये धावा काढण्यासाठी धडपडत आहे. मोठी गोष्ट म्हणजे खराब फॉर्ममुळे विराट कोहलीच्या भारतीय टी-20 संघातील स्थानावरही प्रश्न उपस्थित झाले होते. कोहलीच्या संघातील स्थानावरून सुरू असलेल्या वादाच्या पार्श्वभूमीवर भारताचे माजी मुख्य प्रशिक्षक रवी शास्त्री यांनी विराट कोहलीचे समर्थन केले असून तो पाकिस्तानविरुद्ध फॉर्ममध्ये परतणार असल्याचे सांगितले आहे.

हेही वाचा: Asia Cup 2022 : उपकर्णधार केएल राहुलवर आशिया कप 2022 पूर्वी टांगती तलवार

आशिया चषकापूर्वी स्टार स्पोर्ट्सने आयोजित केलेल्या पत्रकार परिषदेत रवी शास्त्री म्हणाले, कोहलीला फॉर्ममध्ये परतण्यासाठी एका डावाची गरज आहे कारण त्याची धावांची भूक संपलेली नाही. भूतकाळात जे घडले ते इतिहास आहे. लोकांना लक्षात ठेवा. त्यांची आठवण खूप कमी आहे. विराट कोहलीपेक्षा फिट असा कोणताही भारतीय क्रिकेटर नाही. जर त्याने आपले मन योग्य ठिकाणी ठेवले तर फॉर्ममध्ये येण्यासाठी फक्त एक डाव पुरेसा आहे.

Web Title: Ravi Shastri On Virat Kohli India Vs Pakistan Asia Cup 2022 Sports Cricket

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..