Ravindra Jadeja : टीम इंडियासाठी दिलासा! जडेजा सोशल मीडियावर पोस्ट शेअर करत म्हणाला..

Ravindra Jadeja Injury Update : भारत आशिया कपमध्ये आपली अस्तित्वाची लढाई लढत असताना भारताचा अष्टपैलू खेळाडू रविंद्र जडेजाने त्याच्या दुखापतीबाबत अपडेट दिली. त्याने इन्स्टाग्रामवर पोस्ट लिहीत आपल्या गुडघ्याच्या दुखापतीवषयी चाहत्यांना माहिती दिली. रविंद्र जडेजा आपल्या सोशल मीडिया पोस्टमध्ये लिहितो की, 'माझ्या गुडघ्यावरील शस्त्रक्रिया यशस्वी झाली. मला अनेक लोकांचे आभार मानायचे आहेत. बीसीसीआय, माझे संघ सहकारी, सहाय्यक स्टाफ, फिजिओ, डॉक्टर आणि चाहते यांचे आभार मानतो. मी दुखापतीतून सावरण्यासाठी त्वरित प्रयत्न करणार आहे. मी मैदानावर परतण्यासाठी उत्सुक आहे. तुमच्या शुभेच्छांसाठी सर्वांचे आभार.'

रविंद्र जडेजाला आशिया कपमध्ये हाँगकाँग विरूद्धच्या सामन्यावेळी दुखापत झाली होती. त्यामुळे त्याला आशिया कपमधून माघार घ्यावी लागली. बीसीसीआयने त्याच्या जागी अक्षर पटेलला रिप्लेसमेंट म्हणून पाठवले. दरम्यान, जडेजा वर्ल्डकपला देखील मुकणार असे वृत्त आले होते. मात्र संघाचे प्रशिक्षक राहुल द्रविड यांनी आताच याबाबत कोणताही निर्णय होणार नाही. अजून वर्ल्डकपला सहा ते सात आठवडे अवकाश आहे असे वक्तव्य केले होते.

दरम्यान, बीसीसीआयने भारताचा आजारी वेगवान गोलंदाज आवेश खान यांच्या बदली दीपक चहरला आशिया कप खेळण्यासाठी पाठवण्याचा निर्णय घेतल्याचे वृत्त आले. हे वृत्त एएनआयने सूत्रांच्या हवाल्याने दिले.