Ind vs Zim : युवीच्या पोस्टवर पंतची कमेन्ट, नेटकरी म्हणतात, "भाई 3 बज गये, अब सो जा"

टीम इंडियाने तीन एकदिवसीय सामन्यांच्या मालिकेत झिम्बाब्वेचा 3-0 असा क्लीन स्वीप केला आहे. तिसऱ्या सामन्याचा आणि संपूर्ण मालिकेचा हिरो सलामीवीर शुभमन गिल ठरला. शुभमन गिलने मालिकेतील शेवटच्या एकदिवसीय सामन्यात त्याच्या आंतरराष्ट्रीय शतकाचे खातेही उघडले. भारताचा माजी क्रिकेटपटू युवराज सिंगने शुभमन गिलच्या कौतुकात एक ट्विट केले होते, ज्यावर ऋषभ पंतनेही रात्री उशिरा कमेंट केली. आता या कमेंटमुळे पंत ट्रोल होत आहे. (Rishabh Pant trolled by commenting on Yuvraj Singh tweet)

युवराज सिंगने ट्विटरवर लिहिले, फाइनली! शुभमन गिल तू शानदार खेळ केलास, तू या शतकाला खरोखरच पात्र होतास. पहिल्या शतकाबद्दल अभिनंदन, अजून खूप काही येणार आहे. ही फक्त सुरुवात आहे. युवीच्या या ट्विटवर पंतने कमेंटमध्ये लिहिले की, पाजींनी जे स्पष्ट केले त्यावर विश्वास बसत नव्हता. वास्तविक, युवीचे हे ट्विट गिलच्या शतकानंतरचे होते, तर पंतने रात्री उशिरा त्याला उत्तर दिले. त्यामुळे चाहत्यांनी पंतला ट्रोल करण्यास सुरुवात केली. पंत या दौऱ्यावर आलेला नाही, पण आशिया चषक 2022 सह मैदानात परतणार आहे. गिलने या मालिकेदरम्यान तीन डावात 122 च्या सरासरीने 245 धावा केल्या, ज्यात एक शतक आणि अर्धशतकांचा समावेश आहे.

एकदिवसीय मालिकेतील शेवटच्या सामन्यात भारताने झिम्बाब्वेचा 13 धावांच्या फरकाने पराभव केला. हरारे येथे झालेल्या या सामन्यात भारताने प्रथम फलंदाजी करताना 289 धावा केल्या. टीम इंडियासाठी शुभमन गिलने शानदार 130 धावा केल्या. प्रत्युत्तर सिकंदर रझाने 115 धावांची खेळी साकारत झिम्बाब्वेच्या विजयासाठी शर्थीचे प्रयत्न केले. पण तो संघाला विजय मिळवून देणार होता.