CSK चा 'हा' खेळाडू दुसऱ्यांदा बनला बाप; इंस्टावर शेअर केली खास पोस्ट

टीम इंडियाचा माजी फलंदाज आणि चेन्नईच्या खेळाडू असलेल्या रॉबिन उथप्पाला कन्यारत्न प्राप्त झाले आहे. रॉबिनच्या पत्नी शीतल उथप्पाने एका चिमुकलीला जन्म दिला आहे. रॉबिनने खास फोटो पोस्ट करत चाहत्यांसोबत आनंद व्यक्त केला.(Robin Uthappa blessed with a baby girl)

रॉबिन उथप्पाने त्याच्या इंस्टाग्राम पेजवर एक फोटो शेअर केला आहे. त्यामध्ये चिमुकलीसह त्याचा ५ वर्षाचा मुलगा आणि पत्नी शीतलही दिसत आहे. विशेष म्हणजेज उथप्पाने चिमुकलीचे स्वागत करताना तिचे नावही आपल्या चाहत्यांसोबत जाहीर केले. त्याने आपल्या मुलीचे नाव ट्रिनिटी उथप्पा असे ठेवले आहे. त्याच्या या फोटोवर लाईक्स आणि कमेंटचा पाऊस पडत आहे.

रॉबिन उथप्पा सोशल मीडियावर नेहमीच सक्रिय असतो. काही दिवसांपूर्वी त्याने आपल्या पत्नीचा बेबी बंप फोटोशुट शेअर केला होता.

रॉबिन उथप्पाने भारतासाठी 46 एकदिवसीय आणि 13 टी-20 आंतरराष्ट्रीय सामने खेळले आहेत. त्याने एकदिवसीय क्रिकेटमध्ये जवळपास २६ च्या सरासरीने एकूण ९३४ धावा केल्या आहेत, तर टी-२० मध्ये त्याच्या नावावर २४९ धावा आहेत.

आयपीएल 2022 मध्ये, चेन्नई सुपर किंग्जकडून खेळत असलेल्या रॉबिन उथप्पाने 12 सामन्यांच्या 11 डावांमध्ये 2 अर्धशतकांसह 134.50 च्या स्ट्राइक रेटने एकूण 230 धावा केल्या आहेत.