वॉर्नी तुझी आठवण येईल, सचिन तेंडुलकरचे भावूक ट्विट

ऑस्ट्रेलियचा माजी फिरकीपटू शेन वॉर्नचं (Shane Warne) वयाच्या 52 व्या वर्षी निधन झाले. त्याच्या निधनाचे वृत्त समोर आल्यानंतर क्रिकेट वर्तुळासह अन्य क्षेत्रातून प्रतिक्रिया उमटण्यास सुरुवात झाली आहे. क्रिकेटच्या देवानं आपला जुन्या प्रतिस्पर्धी आणि चांगला मित्र असलेल्या वॉर्नबद्दल भावूक प्रतिक्रिया दिली आहे. वॉर्न आपल्यातून निघून गेला हे ऐकून धक्का बसला, अशा शब्दांत सचिन तेंडुलकरनं (Sachin Tendulkar) वॉर्नला श्रद्धांजली वाहिली आहे. (Sachin Tendulkar reacts on death of Australian bowling legend Shane Warne)

मास्टर ब्लास्टर सचिन तेंडुलकरने ट्विटरच्या माध्यमातून वॉर्नरच्या जुन्या आठवणींना उजाळा दिला. फिल्डवर तू आजूबाजूला असताना कधीही कंटाळवाणे वाटायचे नाही. मैदानावरील दोघांमधील युद्ध आणि मैदानाबाहेरील थट्टा मस्करी या आठवणी नेहमीच स्मरणात राहतील. वॉर्नी तुझी आठवण येईल, अशा शब्दांत सचिनने वॉर्नला श्रद्धांजली वाहिली आहे.