Schoolympics 2023 : जय कुंटे-सार्थ नकाते टेबल टेनिसमध्ये विजेते

Poonawalla Fincorp presents schoolympics 2023 season 6 : स्कूलिंपिकच्या टेबल टेनिस स्पर्धेत मुलांच्या १० ते १२ वर्षे वयोगटाच्या दुहेरीत अभिनव इंग्लिश स्कूलच्या जय कुंटे-सार्थ नकाते यांनी विजेतेपद पटकाविले. १२ ते १४ वर्षे वयोगटात सिंबायोसिस प्रायमरीचे हर्षद कदम-अनुज फुलसुंदर विजेते ठरले.

डेक्कन जिमखान्यावर रविवारपासून ही स्पर्धा सुरू झाली. जय-सार्थ यांनी अंतिम लढतीमध्ये आपल्याच शाळेच्या पंचम मेहेंदळे-सुहृद मोडक यांना ३-२ असे हरविले. श्यामराव कलमाडी हायस्कूलच्या अमेय पाठक-रचित उटगे या जोडीने तृतीय स्थान मिळविले.

हर्षद-अनुज यांच्या जोडीने श्यामराव कलमाडी हायस्कूलच्या अर्णव जोशी-आदित्य सामंत यांचा ३-२ असा पराभव केला. तिसऱ्या क्रमांकाच्या लढतीत अभिनव इंग्लिशच्या राजस भावे-अर्जुन कोसंदार यांनी रयान लेले-प्रत्युष मुदलियार जोडीवर ३-० अशी मात केली.