न्यूयॉर्क : अमेरिकेची मातब्बर महिला टेनिसपटू सेरेना विल्यम्सने अमेरिकन ओपनच्या अंतिम फेरीत धडक मारली. महिला एकेरीच्या उपांत्य फेरीत तिने पाचव्या मानांकित युक्रेनच्या एलिना स्विटोलीनाला 6-3, 6-1 असे हरविले.
सेरेनासमोर आता कॅनडाच्या बियांका आंद्रीस्क्‍यू हिचे आव्हान असेल. 15व्या मानांकित बियांकाने 13व्या मानांकित स्वित्झर्लंडच्या बेलिंडा बेन्चीचची घोडदौड 7-6 (7-3), 7-5 अशी रोखली.
मायदेशातील या ग्रॅंड स्लॅम स्पर्धेतील ही आगेकूच सेरेनासाठी महत्त्वाची आहे. मार्गारेट कोर्ट यांच्या 24 ग्रॅंड स्लॅम विजेतेपदांच्या विश्वविक्रमाशी बरोबरी करण्याची तिला आणखी एक संधी मिळाली आहे. सेरेना येत्या 26 सप्टेंबर रोजी 38 वर्षांची होईल. बियांका 19 वर्षांची आहे. सेरेनाला गतवर्षी विंबल्डन आणि अमेरिकन आणि यंदा पुन्हा विंबल्डनला अंतिम फेरीत पराभूत व्हावे लागले. एका मुलीची आई झाल्यानंतर "सुपरमॉम' हे बिरूद सार्थ ठरण्यासाठी तिने जेतेपदच जिंकावे अशी जगभरातील टेनिसप्रेमींची अपेक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.