Shoaib Malik : घटस्फोटांच्या चर्चांना ऊत आला असताना मलिक लाईव्ह शो मध्ये ढसाढसा रडला - VIDEO

पाकिस्तानचा दिग्गज फलंदाज शोएब मलिक सध्या सानिया मिर्झासोबतच्या नात्यामुळे चर्चेत आला आहे. मीडिया रिपोर्ट्सनुसार तो आणि सानिया वेगळे होणार असल्याचे बोलले जात आहे. मात्र, शोएबचा एक व्हिडिओ सोशल मीडियावर चांगलाच व्हायरल होत आहे, ज्यामध्ये तो लाइव्ह टीव्हीवरच रडायला लागतो.

हेही वाचा: गौतमी नाचली, तुमचं काय गेलं?

हा व्हिडिओ पाकिस्तान आणि इंग्लंड यांच्यातील टी-20 विश्वचषक 2022 च्या अंतिम सामन्याच्या एक दिवस आधीचा आहे. ज्यामध्ये वकार युनूस, वसीम अक्रम, मिसबाह-उल-हक आणि शोएब मलिक एका पाकिस्तानी चॅनलवरील पॅनेल चर्चेत उपस्थित होते. अँकरने शोएब मलिकला विचारले की, 2007 च्या टी-20 विश्वचषकाच्या फायनलमधील पराभव आणि 2009 मध्ये टी-20 विश्वचषक जिंकल्यावर तुला काय वाटतंय, पण या प्रश्नाचे उत्तर देताना शोएब भावूक झाला आणि रडला लागला.

या व्हायरल व्हिडीओमध्ये अँकर शोएबला विचारतो की, आधी 2007 च्या फायनलमधील पराभव त्यानंतर 2009 मध्ये जिंकला याबद्दल तुला काय वाटतंय. या प्रश्नावर मलिक म्हणतो की, जेव्हा आम्ही 2009 मध्ये फायनल जिंकलो तेव्हा युनूस भाईने मला कॉल केला आणि ट्रॉफी धरा असे सांगितले. हे सांगितल्यानंतर शोएब खूप भावूक झाला आणि लाइव्ह टीव्हीवरच रडला लागाला. या घटनेचा व्हिडिओ सोशल मीडियावर चांगलाच व्हायरल होत असून चाहते हा व्हिडिओ खूप शेअर करत आहेत.

त्याचवेळी शोएब मलिकच्या वैयक्तिक आयुष्याविषयी बोलायचे झाले, तर सध्या काहीही बरोबर होताना दिसत नाही. सानिया मिर्झासह त्याच्या घटस्फोटाच्या बातमीने सोशल मीडियावर खळबळ उडाली आहे. अद्याप या प्रकरणावर दोघांकडून कोणतेही अधिकृत वक्तव्य आलेले नाही.