प्रेमाचा स्ट्रोक न खेळताच रंगली शुभमन गिलच्या ब्रेकअपची चर्चा

मुंबई : भारतीय क्रिकेटर सोशल मीडियावर खूप ॲक्टिव्ह असतात. त्यांच्या प्रत्येक गोष्टींकडे चाहत्यांचे बारीक लक्ष असते. त्यांनी केलेल्या प्रत्येक पोस्टवर चाहते उत्तर देतात किंवा प्रश्न विचारत असतात. यामुळे ते कधीकधी अडचणीतही सापडतात. असताच काही प्रकार शुभमन गिलसोबत घडला. त्याने सोशल मीडियावर पोस्ट व्हायरल केल्यानंतर चाहत्यांनी प्रश्नांचा मारा सुरू केला.

मास्टर ब्लास्टर सचिन तेंडुलकरची मुलगी आणि सारा आणि टीम इंडियाचा खेळाडू शुभमन गील हे एकमेकांना डेट करीत असल्याचे सर्वांना माहिती आहे. मात्र, यासंदर्भात कोणीच अधिकृत बोलले नाही. अशात शुभमन गिलने इन्स्टाग्रामवर फोटो शेअर केला. फोटोला कॅप्शन देताना ‘प्रेमात पडू नये’ असे लिहिले आहे. त्यामुळे तुझा ब्रेकअप झाला का, असे प्रश्न शुभमनला चाहते विचारत आहे.

चाहत्याच्या प्रश्नाला तितकेच चांगले उत्तर शुभमनने दिले आहे. ‘अरे हा, मी सध्या सिंगल आहे’. याचा मी सध्या विचार करीत नाही, भविष्यात करेनही असे वाटत नाही. आताही याबाबत योजना नाही, असे लिहिले.

Sigma rule no.1

शुभमन गिलने इस्टाग्रामवर पोस्ट शेअर केली आहे. या पोस्टचा संबंध सारा तेंडुलकरशी जोडला जात आहे. शुभमन जी टी शर्ट घातली आहे त्यावर ‘परींच्या प्रेमात पडू नका’ असे लिहिले आहे. हा फोटो शेअर करताना त्याने कॅप्शनमध्ये Sigma rule no.1 असे म्हटले आहे. शुभमनने ही पोस्ट नेमकी का आणि कशासाठी शेअर केली आहे याचे उत्तर तोच देऊ शकतो.