Wimbledon 2025: सिनर व स्विअतेकची आगेकूच; विम्बल्डन ओसाका व मेडिसन कीज यांचा पराभव

लंडन : पुरुष एकेरीतील अव्वल मानांकित यानिक सिनर आणि महिला एकेरीतील आठवी मानांकित इगा स्विअतेक यांनी विम्बल्डन टेनिस ग्रँडस्लॅममधील आपली विजयी घोडदौड कायम ठेवली. नाओमी ओसाका आणि मेडिसन कीज यांना मात्र पराभवाचा सामना करावा लागला..यानिक सिनर याने ए. वुकीच याच्यावर सरळ तीन सेटमध्ये मात करत उल्लेखनीय खेळ केला. त्याने वुकीचचे आव्हान ६-१, ६-१, ६-३ अशा फरकाने सहज परतवून लावले.इटलीच्या या स्टार खेळाडूने केवळ एक तास आणि ४० मिनिटांत विजय मिळवला. इगा स्विअतेक हिला मात्र विजयासाठी झगडावे लागले. तिने सी. मॅकनॅली हिचे कडवे आव्हान तीन सेटमध्ये परतवले..मॅकनॅली हिने पहिला सेट ७-५ असा जिंकला होता. मात्र, स्विअतेक हिने नंतर दोन सेटमध्ये दमदार पुनरागमन करत अनुक्रमे ६-२ आणि ६-१ अशी बाजी मारली.तिने दोन तास २५ मिनिटांत सामना जिंकत पुढील फेरी गाठली..सिगमंडचा दमदार विजयएल. सिगमंड हिने सहावी मानांकित मेडिसन कीज हिच्यावर मात करत प्रभावी प्रदर्शन केले. तिने कीजला ६-३, ६-३ अशा फरकाने दोन सरळ सेटमध्ये पराभूत केले. दरम्यान, नाओमी ओसाकाचा देखील शुक्रवारी पराभव झाला. ए. पावल्यूचेनकोवा हिने तिचे आव्हान ३-६, ६-४, ६-४ अशा सेट्समध्ये परतवून लावले..Magnus Carlsen: गुकेशचा विजय, मॅग्नस कार्लसन हतबल! ‘माझ्या खेळात लय हरवली,बुद्धिबळातील आनंद गमावलाय .रुबलेवची आगेकूचपुरुष एकेरीत १३वा मानांकित आंद्रेय रुबलेव यानेही आगेकूच केली. त्याने ए. मनारिनो याला ७-५, ६-२, ६-३ अशा सरळ सेटमध्ये नमवत शानदार कामगिरी केली.रुबलेवने एक तास आणि ५९ मिनिटांत सामना जिंकत पुढील फेरीत स्थान मिळवले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.