इंग्लंडच्या जो रूटची स्तुती करून 'दादा' चांगलाच फसला; ट्विटरवर झाला ट्रोल

नवी दिल्ली : इंग्लंडचा माजी कर्णधार जो रूटने न्यूझीलंड विरूद्धच्या पहिल्या कसोटी सामन्यात दमदार शतकी खेळी केली. त्याने आपल्या खेळीच्या जोरावर इंग्लंडला पहिल्या कसोटीच विजय मिळवून दिला. याचबरोबर त्याने कसोटी क्रिकेटमध्ये आपल्या 10 हजार धावा देखील पूर्ण केल्या. विशेष म्हणजे जो रूट आता कसोटीत सर्वात वेगाने 10 हजार धावांचा टप्पा गाठणारा फलंदाज ठरला आहे. (Sourav Ganguly Trolled After Praising England Batsmen Joe Root)

जो रूटच्या या दमदार कामगिरीनंतर त्याच्यावर जगभरातील आजी माजी क्रिकेटपटूंकडून अभिनंदनाचा वर्षाव होत आहे. बीसीसीआयचे अध्यक्ष सौरभ गांगुलीने देखील जो रूटचे अभिनंदन केले. मात्र हे अभिनंदन अनेक नेटकऱ्यांना फारसे रुचलने नाही. नेटकऱ्यांनी सौरभ गांगुलीला ट्रोल करण्यास सुरूवात केली. विराट कोहलीच्या फॅन्सनी तर सौरभ गांगुलीला चांगलेच सुनावले.

दादा ते ठीक आहे पण बीसीसीआय आणि आयसीसीला का टॅग केलं?

तुमच्या दाबावामुळे कोहली तर संपला, वेल प्लेड