Sunil Chhetri Football Concerns : भारतातील फुटबॉल खेळाची अनिश्चितता चिंताजनक : सुनील छेत्री

नवी दिल्ली : भारतीय फुटबॉलमध्ये निर्माण झालेली अनिश्चितता अत्यंत चिंताजनक आहे आणि महत्त्वाची इंडियन सुपर लीग (आयएसएल) अनिश्चित काळासाठी स्थगित केल्यामुळे भारतीय फुटबॉलची संपूर्ण रचना कोलमडली आहे, अशी खंत माजी कर्णधार आणि आघाडीचा खेळाडू सुनील छेत्रीने व्यक्त केली..“सध्या देशभरातून खेळाडू, स्टाफ सदस्य, फिजिओथेरपिस्ट, मसाजर इत्यादींकडून भारतीय फुटबॉलच्या भवितव्याबाबत विचारणा करणारे फोन सतत येत आहेत,” असे आयएसएलमध्ये बंगळूर एफसी संघाकडून खेळणाऱ्या छेत्रीने सांगितले..“वाढत्या वयामुळे मी अजून किती काळ खेळू शकेन, हे सांगता येत नाही, मात्र देशभरातील इतर क्लब आणि त्यातील खेळाडूंची परिस्थिती पाहता, मला त्यांच्याबद्दल चिंता वाटते. तांत्रिक कारणामुळे आयएसएल स्थगित झाल्यामुळे ही चिंता आणखी वाढली आहे”, असेही त्याने नमूद केले..“मी पर्यटनावर असताना आयएसएल स्थगित झाल्याचे वृत्त समजले. त्या वेळी त्याचे गांभीर्य वाटले नाही, पण दोन आठवड्यांनंतरही तीच स्थिती कायम राहिल्यामुळे आता खरोखरच चिंता वाटू लागली आहे. लीग पुन्हा सुरू करण्यासाठी सर्व संबंधित प्रयत्न करत आहेत आणि लवकरच समस्येवर तोडगा निघेल, अशी आशा आहे”, असे छेत्री म्हणाला..Japan Open 2025 : पी. व्ही. सिंधू पहिल्याच फेरीत गारद; जपान ओपन : सात्विक-चिराग जोडीचा विजय.छेत्री पुढे म्हणतो, “भारतीय फुटबॉलशी संबंधित खेळाडूंनी, सपोर्ट स्टाफने, मसाजर व वैद्यकीय टीमने अशा सर्वांनी संयम राखावा. माझ्याकडेही सर्व प्रश्नांची उत्तरे नाहीत, परंतु आपण सर्वांनी एकत्र येऊन या वादळाला सामोरे जायचे आहे. सराव करत राहा, स्वतःला सतत प्रगतिपथावर ठेवा. फुटबॉल लवकरच पुन्हा सुरू होईल, यावर माझा विश्वास आहे.”.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.