कर्णधार रोहितचे मोठे वक्तव्य, T20 World Cup मध्ये विराट कोहली करणार ओपनिंग?

Rohit Sharma on Virat Kohli T20 World Cup : टीम इंडिया 20 सप्टेंबरपासून ऑस्ट्रेलियाविरुद्ध तीन सामन्यांची टी-20 मालिका खेळणार आहे. ही मालिका सुरू होण्यापूर्वी कर्णधार रोहित शर्माने पत्रकार परिषदेत मोठे वक्तव्य केले आहे. तो म्हणाला की, सलामीवीर म्हणून विराट कोहली हा संघासाठी पर्याय आहे. विराटने आशिया कपमध्ये भारताच्या शेवटच्या सामन्यात ओपनिंग करत नाबाद 122 धावा केल्या होत्या. आंतरराष्ट्रीय टी-20 क्रिकेटमधले हे त्याचे पहिले शतक होते.

पत्रकार परिषदेत कोहलीच्या सलामीबाबत रोहित म्हणाला की, विराट कोहली हा आमचा तिसरा सलामीवीर असून तो काही सामन्यांमध्ये सलामी करणार आहे. अफगाणिस्तानविरुद्ध गेल्या सामन्यात त्यांनी चांगली खेळी खेळली. मी हे देखील स्पष्ट करू इच्छितो की केएल राहुल टी-20 विश्वचषकात आमच्यासाठी सलामी देईल. अनेक वेळा त्याच्या कामगिरीकडे दुर्लक्ष झाले आहे. पण तो आमच्यासाठी खूप महत्त्वाचा खेळाडू आहे. आम्ही कोणत्याही प्रकारच्या संभ्रमात नाही. आम्हाला माहित आहे की केएल हा दर्जेदार खेळाडू आहे आणि तो चांगली कामगिरी करेल.

आशिया कपमध्ये कोहलीने चमकदार कामगिरी केली आहे. या स्पर्धेतील 5 सामन्यात त्याने 276 धावा केल्या. यादरम्यान कोहलीने एक शतक आणि तीन अर्धशतके झळकावली होती. आशिया कप 2022 मध्ये सर्वाधिक धावा करणाऱ्या खेळाडूंच्या बाबतीत कोहली दुसऱ्या स्थानावर आहे.

भारत आणि ऑस्ट्रेलिया यांच्यातील टी-20 मालिकेतील पहिला सामना 20 सप्टेंबर रोजी मोहाली येथे खेळवला जाणार आहे. यानंतर मालिकेतील दुसरा सामना 23 सप्टेंबर रोजी नागपुरात होणार आहे. शेवटचा सामना 25 सप्टेंबर रोजी हैदराबादमध्ये होणार आहे. या मालिकेनंतर टीम इंडिया दक्षिण आफ्रिकेविरुद्धही मालिका खेळणार आहे.

T20 मालिकेसाठी भारतीय संघ

रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुड्डा, ऋषभ पंत, दिनेश कार्तिक, हार्दिक पांड्या, आर अश्विन, युझवेंद्र चहल, अक्षर पटेल, भुवनेश्वर कुमार, उमेश यादव , हर्षल पटेल, दीपक चहर, जसप्रीत बुमराह.