विराट फक्त 'त्या' प्रकारच्या पिचवरच चांगलं खेळू शकतो- अँडरसन

Anderson-VIrat
Anderson-VIrat

वाचा, नक्की काय म्हणाला जेम्स अँडरसन

Ind vs Eng Test: भारतीय संघाला इंग्लंडविरूद्धच्या कसोटी मालिकेत (Ind vs Eng Test Series) फारच चढ उतार पाहायला मिळाले. पहिल्या सामन्यात भारत (Team India) जिंकणार अशी चर्चा असताना पाऊस पडला. दुसरा सामना भारताने एकतर्फी जिंकला. तर तिसऱ्या सामन्यात भारतीय संघावर दारूण पराभवाची नामुष्की ओढवली. या साऱ्या गोंधळानंतर भारतीय संघ चौथ्या सामन्यासाठी कसून तयारी करतो आहे. पराभवानंतर दमदार पुनरागमन कसं करायचं ते भारतीय संघाला चांगलंच माहिती आहे, असं विधान विराटने (Virat Kohli) तिसऱ्या कसोटीत केलं होतं. त्यानंतर आता इंग्लंडचा (England) जेम्स अँडरसन (James Anderson) याने विराटबद्दल एक महत्त्वाचं विधान केलं.

Anderson-VIrat
विराटला अँडरसन अन् रॉबिन्सनची गोलंदाजी कशी खेळावी कळतच नाही!

"विराट कोहली बदललाय की नाही मला माहिती नाही. पण त्याच्या फलंदाजीबद्दल बोलायचं तर त्याच्या फलंदाजीच्या तंत्रात थोडीशी समस्या असल्याचं दिसतंय. त्यामुळेच त्याच्या धावा होत नाहीत. इंग्लंडच्या पीचवर ज्याप्रकारे चेंडू वेगाने जातो, त्याचा फटका विराटच्या तंत्राला बसलाय. विराटने आमच्याविरूद्ध मुंबईत द्विशतक ठोकलं तिथे चेंडू त्या वेगाने येत नव्हते. इथे इंग्लंडमध्ये मात्र चेंडू स्विंग होतोय आणि त्यामुळेच विराट लगेच बाद होतोय. वेगवान नसलेल्या खेळपट्ट्यांवर विराट चांगली फलंदाजी करतो. सध्या विराटची फलंदाजी फारशी चांगली होत नाही हेच खरं आहे. पण त्याला कमी लेखून चालणार नाही. कारण जर तुम्ही त्याला मारण्यासाठी चेंडू दिलात, तर मात्र तो तुम्हाला सीमारेषेपार पोहोचवेल", असं अँडरसन म्हणाला.

James Anderson
James AndersonTwitter
Anderson-VIrat
आक्रमक फलंदाजीतून मार्ग निघत नाही : विराट

इंग्लंडच्या माजी कर्णधाराने विराटला डिवचलं...

"विराट कोहली यंदाच्या कसोटी मालिकेत अजूनही स्थिरावलेला दिसत नाही. कोणते चेंडू सोडावेत आणि कोणते खेळावेत याबद्दल त्याच्या मनात कायम संभ्रम दिसून येतोय. या मालिकेत असे अनेक चेंडू होते जे त्याने सोडायला हवे होते, पण त्याने ते चेंडू खेळले. त्याच्यात मला थोडासा तंत्रशुद्धपणाचा अभाव दिसतोय. मी वेळोवेळी याबद्दल बोललो आहे. तशातच त्याच्या पायाची हालचाल हादेखील एक मोठा मुद्दा आहे. अँडरसन आणि रॉबिन्सनच्या गोलंदाजीचा सामना करणं विराटला कठीण जातंय हे स्पष्ट दिसतं", असं विधान इंग्लंडचा माजी कर्णधार नासिर हुसेन याने केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com