Virat Kohli : विराट रोहितला म्हणतो, तू जी स्पेस मला दिलीस त्यामुळे...

Virat Kohli Praise Skipper Rohit Sharma
Virat Kohli Praise Skipper Rohit Sharmaesakal

Virat Kohli Rohit Sharma : भारताने आशिया कपच्या शेवटच्या सामन्यात अफगाणिस्तानचा 101 धावांनी पराभव केला. या सामन्यात भारताने प्रथम फलंदाजी करताना 212 धावा चोपल्या. त्यात विराट कोहलीच्या 122 धावांचे योगदान मोठे होते. विराट कोहलीने आपले पहिले आंतरराष्ट्रीय टी 20 शतक ठोकले. याचबरोबर गेल्या तीन साडेतीन वर्षापासून अडकलेले 71 वे शतक पूर्ण केले. यानंतर विराट कोहली खूप रिलॅक्स दिसला. (Virat Kohli Praise Skipper Rohit Sharma For Giving Him Space)

सामना झाल्यानंतर कर्णधार रोहित शर्माने विराट कोहलीची मुलाखत घेतली. ही मुलाखत बीसीसीआयने आपल्या साईटवर शेअर केली आहे. या मुलाखतीत विराट कोहलीने अनेक मुद्द्यांना स्पर्श केला. विराटने कर्णधार म्हणून रोहित शर्माने विराटबाबतीत जी भुमिका घेतली त्याचे कौतुक केले.

Virat Kohli Praise Skipper Rohit Sharma
Asia Cup 2022 SL vs PAK : फायनलच्या रंगीत तालमीत पाकिस्तानचा नवा हिरो नसीम बेंचवर

विराट कोहली मुलाखतीत म्हणला की, 'आपण आशिया कपमधील सुपर 4 सामन्यामधून शिकणार आहोत. या सामन्यात काय चुकले याची चिकित्सा केली जाईल. संघ व्यवस्थापनाकडून स्पष्टपणे सांगण्यात येते. तू जी स्पेस मला दिली त्यामुळे मी खूप रिलॅक्स झालो आहे. ज्यावेळी मी ब्रेक घेऊन संघात परत आलो त्यावेळी मी संघासाठी माझे योगदान देण्यासाठी उत्सुक होतो.'

Virat Kohli Praise Skipper Rohit Sharma
KL Rahul : मग आता काय मी टीमच्या बाहेर बसू? केएल राहुल भडकला

विराट कोहली आपल्या पहिल्या वहिल्या टी 20 शतकाबाबत बोलताना म्हणाला की, रोहितबरोबर चर्चा करत असताना मी माझ्या जुन्या पद्धतीने खेळणार असल्याचे सांगितले. या पद्धतीत षटकार मारण्याला प्राधान्य नसते. विराट कोहली म्हणाला, 'मी चांगल्या क्रिकेटिंग शॉट्सवर भर दिला. मोठे षटकार मारणे ही माझी जमेची बाजू नाही. मी षटकार मारू शकतो मात्र ज्यावेळी गरज असेल त्यावेळीच मी षटकार मारू शकतो. मात्र माझी ताकद ही गॅपमध्ये शॉट्स खेळणे ही आहे. मी जास्तीजास्त चौकार मारू शकतो. अशा पद्धतीने खेळून देखील आपण आपला हेतू साध्य करू शकतो.'

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com