INDvsWI : शिवम दुबेऐवजी आज संघात खेळणार 'हा' वेगवान गोलंदाज

विशाखापट्टणम : भारत आणि वेस्टइंडिज यांच्यातील दुसऱ्या एकदविसीय सामन्यात भारताचा कर्णधार विराट कोहली सलग चौथ्यांदा नाणेफेकीत पराभूत झाला. विंडीजने नाणेफेक जिंकत क्षेत्ररक्षण करण्याचा निर्णय घेतला. 

ताज्या बातम्यांसाठी डाऊनलोड करा ई-सकाळचे ऍप

भारतीय संघात एक बदल करण्यात आला आहे. अष्टपैलू शिवम दुबेच्याऐवजी संघात वेगवान गोलंदाज शार्दुल ठाकूरला स्थान देण्यात आले आहे. त्यामुळे संघात आता एक फिरकीपटू, तीन वेगवान गोलंदाज, रविंद्र जडेजा आणि केदार जाधव अशी गोलंदाजीची ताकद आहे. 

शार्दुलच्या निवडीवर बोलताना कोहली म्हणाला, "सामन्यात नंतर दव येणार याची आम्हाला कल्पना आहे आणि म्हणूनच आम्ही आणखी एक वेगवान गोलंदाज खेळवत आहोत.''

विंडीजनेही त्यांच्या विजयी संघात दोन बदल केले आहेत. सुनील आम्रीसच्याऐवजी त्यांनी एव्हिन लुईसला संघात स्थान दिले आहे तर खॅरी पेरेला पदार्पणाची संधी देण्यात आली आहे.