विश्वचषक नेमबाजी स्पर्धेत राहीचा सुवर्णवेध

कोल्हापूर : विश्वचषक (world cup final) नेमबाजी स्पर्धेमध्ये (shooting) राही सरनोबतने (rahi sarnobat) विक्रमी गुणांसह सुवर्णपदक (win gold medal) पटकावले. पहिल्या फेरीपासूनच आघाडीवर राहिलेल्या राहीने अंतिम फेरी येईपर्यंत कोणत्याही स्पर्धकाला गुणांची बरोबरी करण्याची संधी दिली नाही. ओसीजेक, क्रोएशिया येथे सुरु असणाऱ्या २०२१ विश्वचषक नेमबाजी स्पर्धा आज खास ठरली. (world shooting competition rahi sarnobat won gold medal)

२५ मीटर स्पोर्ट्स पिस्टल प्रकारामध्ये भारताचे प्रतिनिधित्व (India) करणाऱ्या राही सरनोबताने उत्कृष्ट कामगिरीची नोंद करत सुवर्णपदक पटकावले. पहिल्या फेरीमध्ये घेतलेली आघाडी कायम राखत अखेरच्या १० व्या फेरीपर्यंत राहीने आपला दबदबा कायम राखला. अंतिम सामन्यात राहीने ३९ गुणांसह सुवर्ण तर ३१ गुणांसह फ्रांसची स्पर्धक (France) रौप्य व २८ गुणांसह रशियाला कास्य पदकावर समाधान मानावे लागले. स्पर्धेतील या विक्रमी विजयामुळे काही दिवसांवर येऊन ठेपलेल्या ऑलम्पिक स्पर्धेतील पदकाच्या अशा पल्लवित झाल्या आहेत.