तुझी साईज दुधीभोपळ्यासारखी! चहलची कुणी उडवली खिल्ली?

आयपीएल संपल्यानंतर टीम इंडियाचे खेळाडू सध्या ब्रेकवर आहेत. त्यानंतर 9 जूनपासून दक्षिण आफ्रिकेविरुद्ध टी-20 मालिका खेळायची आहे. दरम्यान, खेळाडू मजा करताना दिसत आहे. टीम इंडियाचा स्टार फिरकीपटू युजवेंद्र चहल सोशल मीडियावर सतत सक्रिय असतो, आणि काही ना काही फोटो अपडेट्स शेअर करत असतो. त्याने नुकताच त्याच्या इंस्टाग्रामवर एक फोटो पोस्ट केला आहे, ज्यावर माजी क्रिकेटर युवराज सिंगनेही मजेशीर कमेंट केली आहे.(yuvraj singh comment yuzvendra chahal photo lauki)

चहलने त्याच्या इंस्टाग्रामवर दुधीभोपळ्यासोबतचा एक फोटो पोस्ट केला आहे, ज्यावर माजी क्रिकेटपटू युवराजनेही मजेशीर कमेंट केली आहे. या पोस्टमध्ये चहलने हातात दुधीभोपळा धरला आहे. यासोबत त्याने कॅप्शनमध्ये लिहिले की, मी माझा #SelfieWithLauki सर्वात मोठा हिट स्टेडियमच्या बाहेर मारला आहे. तुम्ही सहमत आहात का?

लेगस्पिनर चहलच्या या पोस्टवर युवराजने कमेंट करत लिहिले, तुझ्या दुधीभोपळ्याचा आकारही तुझ्यासारखाच आहे. युवीची ही कमेंट सध्या सोशल मीडियावर चांगलीच व्हायरल होत आहे. युवराज व्यतिरिक्त चाहते चहलच्या या पोस्टवर मजेदार कमेंट करत आहेत आणि मीम्स देखील शेअर करत आहेत.

युजवेंद्र चहलने अलीकडेच संपलेल्या आयपीएल 2022 मध्ये चांगली कामगिरी केली आहे. चहल हा आयपीएल 2022 मध्ये सर्वाधिक 27 विकेट्ससह पर्पल कॅपचा विजेता होता. युझवेंद्र चहल लवकरच आफ्रिका मालिकेत दिसणार असून तो भारतीय फिरकी आक्रमणाचे नेतृत्व करेल.