Yuzvendra Chahal : मस्त चाललंय आमचं! चहलने रोमँटिक VIDEO शेअर करत ...

Yuzvendra Chahal Dhanashree Verma Romantic Video : भारताचा अव्वल लेग स्पिनर युझवेंद्र चहलची नुकतीच ऑस्ट्रेलियात होणाऱ्या टी 20 वर्ल्डकपसाठी भारतीय संघात निवड झाली आहे. युझवेंद्र चहलने आयपीएल 2022 नंतर भारतीय संघात जोरदार पुनरागमन करत वर्ल्डकप संघात स्थान मिळवले. मध्यंतरी त्याच्या वैवाहिक जीवनात वादळ उठल्याची अफवा पसरली होती. धनश्री वर्माने इन्स्टाग्राम अकाऊंटवरून चहल आडनाव हटवल्यानंतर या अफवांना उत आला होता. यावर चहल आणि धनश्री दोघांनीही सर्व काही आलबेल असल्याचे स्पष्टीकरण दिले होते. आता या स्पष्टीकरणाला बळकटी आणणारा व्हिडिओ युझवेंद्र चहलने आपल्या इन्स्टाग्रावर अकाऊंटवरून शेअर केला आहे.

युझवेंद्र चहलने हा व्हिडिओ पत्नी धनश्री वर्माला देखील टॅग केला आहे. या रोमँटिक व्हिडिओत युझवेंद्र चहल आणि धनश्री वर्मा यांच्यामधील काही प्रेमळ क्षण दाखवण्यात आले आहेत. विशेषकरून हे दोघे व्हेकेशनवर असतानाचे हे रोमँटिक क्षण आहेत. या व्हिडिओला 'देखा एक ख्वाब तो..' हे सदाबहार गाण्याची जोड देखील देण्यात आली आहे. युझवेंद्र चहलने या व्हिडिओला 'माझी स्ट्राँग पत्नी ही माझी ताकद आहे' असे कॅप्शन देखील दिले आहे.

युझवेंद्र चहलने शेअर केलेल्या या व्हिडिओनंतर आता या दोघांच्या नात्यात दुरावा निर्माण झाल्याच्या अफवांवर पडदा पडला आहे. युझवेंदर आणि धनश्रीने 2020 मध्ये लग्न केले होते. धनश्री ही डॉक्टर आहे मात्र तिने वैद्यकीय क्षेत्र सोडून कोरियोग्राफीमध्ये हात आजमावला. इन्स्टाग्राम आणि यूट्यूबवर तिचा मोठा फॅन फॉलोईंग बेस आहे. धनश्री युझवेंद्रबरोबर अनेक रील्स तयार करते. त्याला उत्तम प्रतिसाद देखील मिळत असतो. याचबरोबर ती भारतीय संघातील खेळाडूंसोबत डान्स करतानाचे व्हिडिओ सोशल मीडियावर शेअर करत असते.