Akshayya Tritiya 2024: उन्हामुळे आंबा खाण्याची भीती वाटते? अक्षय तृतीयेला 'अशा' प्रकारे बनवा आमरस; आजिबात होणार नाही त्रास

यंदा अक्षय तृतीया १० मे रोजी साजरी केली जाणार आहे. या शुभ मुहुर्तावर घरोघरी आमरस पुरीचा आस्वाद घेतला जातो. आंब्यामध्ये हापूस, पायरी,केसर यासारखे अनेक प्रकार आहेत. विविध भागात वेगवेगळ्या पद्धतीने आमरस बनवला जातो. अनेक लोक जास्त आमरस खायला घाबरतात कारण आंबा हा उष्ण असतो. यामुळे शरीराला त्रास होऊ शकतो. पण आमरस बनवताना पुढील गोष्टी लक्षात ठेवल्यास आमरस पोटभर खाऊ शकता आणि कोणताही त्रास होणार नाही.

मीरपुड आणि तूप

आमरस खाताना मीरपुड आणि तुप टाकून खावे. कारण यामुळे पचनसंस्था सुरळित राहते. मीरपुड आणि तूप हे दोन्ही पदार्थ आमरस पचवायला मदत करतात. यामुळे आमरस खातना तूप टाकून खावे.

कोय आणि साल दुधात धुवावे

आंब्याचा गर काढल्यानंतर थोडा कोयीला आणि सालांना राहतो. हा गर काढण्यासाठी अनेक लोक पाण्याचा वापर करतात. पण यामुळे आंबा बाधण्याची समस्या निर्माण होऊ शकते. पण आंब्याचा गर काढण्यासाठी दुधाचा वापर करावा. यामुळे कोणतीही समस्या निर्माण होत नाही.

आंबे पाण्यात ठेवावे

आंबा हे फळ उष्ण असते. यामुळे आमरस बनवण्यापुर्वी आंबे थंड पाण्यात भिजत ठेवावी. यामुळे आंब्यातील उष्णता कमी होते. तसेच आमरस खाल्ल्यास पोटाला त्रास होत नाही.

आंबे स्वच्छ धुवावे

आंब्याचा चीक तोंडात गेल्यास तोंड येणे, फोड येणे यासारख्या समस्या निर्माण होऊ शकतात. तसेच पोटात हा चीक गेल्यास जुलाब होऊ शकतो. यामुळे आमरस बनवण्यापुर्वी आंबे स्वच्छ धुवावे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.