केमिकलयुक्त काजळ वापरल्यानं डोळ्यांना खाज येणं, डोळे लाल होणं, नजर कमी होणं एवढ्या गंभीर समस्या निर्माण होवू शकतात. हे टाळण्यासाठी काजळ वापरु नये असं काहीवेळा सुचवलं जातं. पण त्यावरही आम्ही उपाय सांगत आहोत. बाहेरच्या केमिकलयुक्त काजळानं डोळ्यांचं सौंदर्य वाढत असलं तरी डोळ्यांचं आरोग्य मात्र धोक्यात येतं. डोळे सुरक्षित राखून डोळ्यांचं सौंदर्य वाढवण्यासाठी बदाम आणि साजूक तुपाचा वापर करुन घरच्याघरी काजळ तयार करता येतं.
डोळ्यात काजळामुळे पूर्ण लूकच बदलून जातो. काजळ घातल्यानं डोळ्यांचं सौंदर्य वाढतं. लहान मुलांसाठी बऱ्याचदा घरी काजळ केलं जातं. केमिकलचे साइड इफेक्ट टाळण्यासाठी घरच्या घरी अनेक ब्यूटी प्रोडक्टस तयार करता येतात. तसंच काजळ सहज घरी करता येतं. सौंदर्य आणि डोळ्यांचं आरोग्य या दुहेरी फायद्यासाठी बदाम आणि साजूक तुपापासून डोळ्यांसाठी फायदेशीर असं तयार करता येतं.
बदामाचं काजळाचे फायदे
१. बदामाचं काजळ डोळ्यांसाठी सुरक्षित असतं. बदामात अ आणि इ जीवनसत्व असतं. बदामाचं काजळ नियमित वापाल्यानं दृष्टी सुधारते.
२. बदामाचं काजळ डोळ्यात घातल्यानं डोळे शांत राहातात. डोळ्यांना थंडावा मिळतो. डोळ्यांना खाज येणं, डोळे जळजळणं या समस्या दूर होतात. बदामाच्या काजळानं डोळ्यांना आराम मिळतो.
३. बदामाचं काजळ डोळ्यात घातल्यानं डोळे सुंदर दिसतात. पापण्यांचे केस वाढतात. डोळ्यांना छान चमक येते. घरी तयार केलेलं बदामाचं काजळ वापरल्यानं कोणतेही साइड इफेक्ट होत नाही.
बदामापासून काजळ कसं करावं?
काटे चमच्याने बदाम पकडून तो दिव्यावर धरावा. बदाम दिव्यावर जाळताना वर चमचा उलटा धरावा. बदाम जळत जाईल तशी चमच्यावर काजळी जमा होते. ही काजळी एका छोट्या डब्बीत जमा करावी. बदाम जाळून झाल्यानंतर या काजळीत थोडंसं साजूक तूप घालून ते चांगलं एकत्र करावं. हे काजळ डोळ्यांचं सौंदर्य तर वाढतंच आणि डोळ्यांचं आरोग्यही चांगलं राहातं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.