फॅशन टशन - पलाझोसोबत हटके स्टाईल

तुमच्यासाठी फॅशन म्हणजे काय आहे, असा प्रश्‍न कोणी विचारल्यास त्याचं उत्तर नक्कीच ‘कंफर्ट’ असेल, यात काही शंका नाही. सध्या कंफरटेबल पॅन्ट पॅर्टनमधील एक चांगला पर्याय म्हणजे ‘पलाझो’. खूप कमी वेळात हा पॅर्टन मुलींमध्ये लोकप्रिय झाला आहे. त्यामुळं प्रत्येकीच्या वॉर्डरोबमध्ये त्याच्या असंख्य व्हरायटी दिसतील. पलाझोवर विविध प्रकारचे ट्रेन्डी टॉप घालून एक कम्फरटेबल स्टाईल करता येते बरं का!

ताज्या बातम्यांसाठी डाऊनलोड करा ई-सकाळचे ऍप

सध्या पलाझो ट्रेन्डमध्ये आहे. सैलसर असलेला हा पॅन्ट पॅर्टन तुम्ही ऑफिस, कॉलेज किंवा एखाद्या कार्यक्रमात वापरू शकता. खासकरून उन्हाळ्याच्या दिवसांसाठी हा पर्याय उत्तम आहे. तुम्हाला असं वाटत असेल की, पलाझो फक्त कुर्त्यासोबतच घालता येतो तर तसं नाहीये. तुमच्याकडं उपलब्ध असलेल्या पलाझोसोबत तुम्ही काहीही घालू शकता. तुमचा लुक फेल होणार नाही हे नक्की!  ऑफ शोल्डर टॉप, क्रॉप टॉप, सॅण्डो, ट्यूब टॉप यावर कडक दिसतात.

मात्र, पलाझो निवडताना प्लिटेड, फ्लेअर्ड, स्ट्रेट कटची निवडा. दीपिका पदुकोणने एका इव्हेंटसाठी ऑफ शोल्डर टॉप आणि क्रॉप्ड पलाझो हा लुक निवडला होता. तुम्ही फ्लेअर्ड पलाझोवर फॉर्मल जॅकेटदेखील घालू शकता. हा लुक ऑफिससाठी अगदी परफेक्ट आहे. यावर तुम्ही हिल्स घालू शकता. यामुळे तुम्ही अधिक कूल दिसाल. तसेच, ॲक्लेसरीज निवडताना डीप नेकचा टॉप असल्यास गळ्यात चेन घाला व कानात हॅंगिंग इअरिंग्स घालायला विसरू नका.